Еўрапейцы заклікаюць спыніць ціск на студэнтаў у Беларусі

Еўрапейскі студэнцкі саюз (ESU) заклікае ўлады Беларусі і адміністрацыю беларускіх ВНУ спыніць ціск на студэнтаў, якія намагаюцца абараніць свае акадэмічныя правы і свабоды.

Як адзначаецца ў заяве, апублікаванай на сайце ESU, амаль усе беларускія ВНУ ўвялі зборы для студэнтаў за пераздачу экзамінаў і залікаў. Пасля таго як студэнты выступілі супраць увядзення такой сістэмы, яны апынуліся пад “жосткім ціскам”.

“Калі Беларускі дзяржаўны ўніверсітэт, адзін з апошніх ВНУ, які не меў падобных збораў, абвесціў пра ўвядзенне гэтай нормы са студзеня 2016 года, студэнты сабралі 2.500 подпісаў супраць рэформы. Гэта вылілася ў ціск на акрывістаў студэнцкага руху ў БДУ”, – канстатуе ESU. Пад ціскам апынуліся таксама студэнты іншых беларускіх ВНУ, якія выступілі за адмену ўжо дзеючай платнай сістэмы пераздачы залікаў і экзаменаў.

Падобныя дзеянні ESU ацэньвае як “відавочнае парушэнне акадэмічных свабод” з боку Беларусі, якая была прынята ў Еўрапейскую прастору вышэйшай адукацыі і далучылася да Балонскага працэса ў маі бягучага года.

ESU заяўляе пра салідарнасць з беларускімі студэнтамі, рашуча асуджае парушэнні акадэмічных свабод у Беларусі і настойліва заклікае беларускія ўніверсітэты, у тым ліку БДУ, “спыніць усе формы рэпрэсій у адносінах да студэнтаў”.

“Белаусь павінна прытрымлівацца асноўных каштоўнасцей Еўрапейскай прасторы вышэйшай адукацыі, уключаючы забеспячэнне акадэмічнай свабоды ва ўсіх яе аспектах”, – падкрэсліваецца ў заяве Еўрапейскага студэнцкага саюза.

Заява ESU, які аб’ядноўвае 47 нацыянальных саюзаў студэнтаў з 39 краін, стала адказам на зварот актывістаў студэнцкага руху ў Беларусі, у якім яны прасілі праявіць салідарнасць.

Як раней паведамляў БелаПАН, палажэнне пра платную пераздачу залікаў і экзаменаў было прынята кіраўніцтвам БДУ 12 лістапада – на наступны дзень пасля таго, як у рэктарат ВНУ быў перададзены зварот студэнтаў з просьбай не ўводзіць платную сістэму. Пад зваротам падпісалася 2,5 тысячы студэнтаў.

19 лістапада ў Мінску прайшоў круглы стол, на каторым студэнты распавялі пра ціск на іх з боку адміністрацыі ВНУ. Актывісты студэнцкага руху паведамілі пра пачатак кампаніі па зборы подпісаў студэнтаў, якія выступаюць за адмену платнай пераздачы экзаменаў і залікаў ва ўсіх ВНУ краіны. Яны разлічваюць сабраць не менш за 10 тысяч подпісаў, каторыя будуць скіраваныя міністру адукацыі Беларусі Міхаілу Жураўкову.

 

0
Каментары
Няма каментарыяў.
Еўрапейцы заклікаюць спыніць ціск на студэнтаў у Беларусі Еўрапейцы заклікаюць спыніць ціск на студэнтаў у Беларусі Еўрапейцы заклікаюць спыніць ціск на студэнтаў у Беларусі Еўрапейцы заклікаюць спыніць ціск на студэнтаў у Беларусі Еўрапейцы заклікаюць спыніць ціск на студэнтаў у Беларусі Еўрапейцы заклікаюць спыніць ціск на студэнтаў у Беларусі Еўрапейцы заклікаюць спыніць ціск на студэнтаў у Беларусі
Еўрапейцы заклікаюць спыніць ціск на студэнтаў у Беларусі Еўрапейцы заклікаюць спыніць ціск на студэнтаў у Беларусі Еўрапейцы заклікаюць спыніць ціск на студэнтаў у Беларусі Еўрапейцы заклікаюць спыніць ціск на студэнтаў у Беларусі Еўрапейцы заклікаюць спыніць ціск на студэнтаў у Беларусі Еўрапейцы заклікаюць спыніць ціск на студэнтаў у Беларусі Еўрапейцы заклікаюць спыніць ціск на студэнтаў у Беларусі