Амбасадары моладзі Беларусі 2016

Беларускі нацыянальны моладзевы савет “РАДА” прадстаўляе новых амбасадараў беларускай моладзі – Марыну Штрахаву і Міраслава Шапавалава.

Хто такія Амбасадары моладзі?

Амбасадары моладзі – гэта прадстаўнікі беларускіх моладзевых арганізацый, якія цягам году прадстаўляюць інтарэсы нашай моладзі на сустрэчах Глабальнай моладзевай сеткі. Амбасадарам моладзі можа стаць любы актыўны сябра моладзевай грамадскай арганізацыі ва ўзросце ад 18 да 31 года, які мае беларускае грамадзянства і пастаянна пражывае ў Беларусі, валодае англійскай мовай, мае высокую матывацыю да удзелу ў працы па паляпшэнню становішча моладзі ў Беларусі. Адбор кандыдатаў ажыцяўляецца Беларускім нацыянальным моладзевым саветам “РАДА” на падставе заявак, дасланых у межах адкрытага конкурса.

У 2016 годзе амбасадарамі беларускай моладзі сталі Марына Штрахава (МПГ “Студэнцкая Рада”) і Міраслаў Шапавалаў (РМГА “Нэкст Стоп – Нью Лайф”).

Марына Штрахава

Амбасадары моладзі Беларусі 2016
Фота: Кірыл Хілько

24 гады. Актывістка МПГ “Студэнцкая Рада”. Сябра Моладзевага кансультацыйнага савета Арганізацыі аб’яднаных нацый у Беларусі. Ініцыятарка і каардынатарка “Жывой бібліятэкі”. Экспертка Юрыдычнай кансультацыі па правах студэнтаў. Каардынавала маніторынг парушэння акадэмічных правоў беларускіх студэнтаў, суарганізатарка “Тыдня студэнта”.

“Я вельмі рада, што магу прадстаўляць інтарэсы беларускай моладзі на міжнародным узроўні, казаць пра тое, што адбываецца з нашай моладдзю, якія ў яе цікавасці і да чаго яна імкнецца. Я крыху хвалююся і адчуваю адказнасць, бо буду прадстаўляць не сябе, як асобу, а ўсю беларускую моладзь. Таму я павінна заўжды быць у тэме таго, што адбываецца, ведаць апошнія навіны, даследванні і г.д. Гэта не заўсёды проста, паколькі іншых спраў багата і адсочваць усё даволі складана. Але я не адна, ёсць “РАДА” і другі пасол, таму асабліва не панікую”.

Марына збіраецца не толькі агучваць праблемы і інтарэсы нашай моладзі, але быць уважлівай і чуткай да праблем моладзі ў іншых краінах, пры неабходнасці арганізоўваць акцыі падтрымкі і салідарнасці. Праз адукацыйныя магчымасці, прадстаўленыя амбасадарам моладзі, Марына хацела б лепш пазнаёміцца з досведам кожнага амбасадара,  даведацца болей пра новыя метады прыцягвання маладых людзей у каманду і сродкі працы з новымі людзьмі.

Міраслаў Шапавалаў

Амбасадары моладзі Беларусі 2016
Фота з профіля Міраслава ў facebook.com

24 гады. Актывіст РМГА “Нэкст Стоп – Нью Лайф”. Удзельнік сэсій Еўрапейскага моладзевага парламента (2011-2012), мадэліравання Аб’яднаных нацый (2011).

“Беларусь застаецця terra incognita для большасці свету. Каб быць актыўнай часткай міжнароднай супольнасці, нам трэба каб свет ведаў пра тое, хто мы, якія нашы каштоўнасці, на што мы здольныя, што мы можам прапанаваць рэшце свету. Больш канкрэтныя мэты нашай працы ўтрымліваюць паступовую актывізацыю беларускага грамадства і абмен досведам паміж моладзевымі арганізацымі Беларусі. Таксама існуюць перспектывы міжнароднага ўдзелу для моладзі, якія можна рэалізаваць праз існуючыя праграмы ці праз пабудову двухбаковага супрацоўніцтва паміж нашымі моладзевымі аргаізацыямі і калегамі з іншых краін”.

Міраслаў лічыць, што камунікацыя з прадстаўнікамі моладзевых арганізацый з іншых краін неабходная для таго, каб вучыцца, расці і развівацца ў бок адказнага і канкурэнтназдольнага грамадства, і верыць, што паступовая кансалідацыя  маладых людзей дазволіць моладзі эфектыўней уплываць на глабальныя палітычныя рашэнні.

Даведка

Сёлета амбасадары беларускай моладзі выбіраліся ў другі раз. У 2015 годзе Беларусь прадстаўлялі Інга Ліндарэнка і Васіль Сінюхін.

Амбасадары 2016 будуць прадстаўляць інтарэсы моладзі на сустрэчах Глабальнай моладзевай сеткі, распрацуюць план і правядуць інфармацыйныя мерапрыемствы ў Беларусі, будуць актыўна ўзаемадзейнічаць з амбасадарамі моладзі з іншых краін.

Глабальная моладзевая сетка – міжнародная праграма, якую падтрымлівае Нацыянальны савет моладзевых арганізацый Швецыі (LSU). У праграме ўдзельнічаюць Кенія, Ліван, Турцыя, Бірма, Беларусь, Зімбабвэ, Егіпет і Швецыя.

Мэты і задачы Глабальнай моладзевай сеткі:

  • Атрыманне новай інфармацыі, ведаў і досведу ў выбранай вобласці.
  • Стварэнне платформы для міжкультурнай камунікацыі і абверкавання важных пытанняў.
  • Унікальная магчымасць падзяліцца сваімі ведамі і досведам падчас і пасля сустрэч.
  • Магчымасць дзяліцца ведамі і метадамі з больш шырокай аўдыторыяй у сваіх краінах.
  • Унікальны шанец ацаніць свае лідарскія здольнасці і асабісты досвед, каб атрымаць дакладнае ўяўленне пра сябе ў якасці лідара і наступнага развіцця сваіх якасцей у дадзенай вобласці.
0
Каментары
Няма каментарыяў.
Амбасадары моладзі Беларусі 2016 Амбасадары моладзі Беларусі 2016 Амбасадары моладзі Беларусі 2016 Амбасадары моладзі Беларусі 2016 Амбасадары моладзі Беларусі 2016 Амбасадары моладзі Беларусі 2016 Амбасадары моладзі Беларусі 2016
Амбасадары моладзі Беларусі 2016 Амбасадары моладзі Беларусі 2016 Амбасадары моладзі Беларусі 2016 Амбасадары моладзі Беларусі 2016 Амбасадары моладзі Беларусі 2016 Амбасадары моладзі Беларусі 2016 Амбасадары моладзі Беларусі 2016