Топ навінаў для моладзі за тыдзень

Як павышэнне пенсійнага ўзросту можа паўплываць на моладзь, што думае пра маладых беларусаў пасол Расіі і каму забароняць паступаць у Акадэмію МУС. Чытайце ў дайджэсце навінаў за тыдзень.

Кожны чацвёрты

Павышэнне пенсійнага ўзросту – галоўная навіна тыдня не толькі для тых, хто знаходзіцца ў перадпенсійным узросце, але і для моладзі, якая толькі пачынае назапашваць працоўны стаж. 

Неабходнасць павышаць пенсійны ўзрост да 60 гадоў для жанчын і 65 для мужчын, паводле слоў чыноўнікаў, прадыктаваная дэмаграфічным крызісам і старэннем нацыі. Колькасць працаздольнага насельніцтва на працягу апошніх дваццаці гадоў пастаянна змяншаецца, і ўжо сёння кожны чацвёрты жыхар Беларусі – пенсіянер. 

Калі праблема не вырашыцца, то ў 2050 годзе колькасць пенсіянераў дасягне 28% і цяжар пенсійных выплат такой колькасці людзей можа стаць непад’ёмным для працаздольнага насельніцтва. З іншага боку, улады плануюць таксама выкрэсліць з паняцця “працоўнага стажу” гады навучання ў вну, дэкрэтны адпачынак, службу ў войску і іншыя перыяды, калі грамадзінін не рабіў выплаты ў Фонд сацыяльнай абароны насельніцтва. А значыць, сучасным маладым людзям прыйдзецца не толькі працаваць долей, але і будзе цяжэй зарабіць сабе пенсію. Таксама па статыстыцы, ужо сёння да пенсіі, якая пакуль для жанчын пачынаецца ў 55, а для мужчын – у 60 гадоў, не дажывае прыкладна кожны чацвёрты беларус. Падымаць пенсійны ўзрост плануюць паэтапна, з пачатку 2017 года на пенсію будуць выходзіць ў 58 (жанчыны) і 63 (мужчыны) гады. Улады заяўляюць, што праводзяць маніторынг рэакцыі грамадства на пенсійную рэформу.

“Моладзь наша – ну проста малайцы! Разумеючы, што гэта закране іх перад усім і тых, хто працуе, тым не менш, спакойна ўспрынялі гэтыя прапановы. Я не кажу, што гэта падабаецца. Але, бывае, не падабаецца, але нікуды не падзенешся, да гэтага трэба ісці,” – так пракаментаваў прыняцце рашэння пра павышенне працоўнага ўзросту Прэзідэнт Рэспублікі Беларусь Аляксандр Лукашэнка.

Незразумелыя прыярытэты

Святкаванне Дня адзінства Беларусі і Расіі ўрады дзвюх краін дапоўнілі правядзеннем канферэнцыі па моладзевай палітыцы “Моладзь і міжнароднае супрацоўніцтва: досвед узаемадзеяння Расіі і Беларусі”. Падчас абмеркавання Саюзнай дзяржавы пасол Раcіі ў Беларусі Аляксандр Сурыкаў выказаўся за стварэнне адзіннай “восі стратэгічнага супрацоўніцтва” дзвюх краін у сферы моладзевай палітыкі. Саму ж моладзь пасол ахарактарызаваў даволі неадназначна:

“Для прадстаўнікоў моладзі ўсё больш нарастаюць незразумелыя прырытэты, якія каротка характарызуюць ўсё грашовым эквівалентам і рознымі адхіленнямі ад сапраўдных праяваў чалавечых пачуццяў і панняццяў,” – адзначыў Аляксандр Сурыкаў.

Топ навінаў для моладзі за тыдзень
www.arms-expo.ru

Дзяўчатам уваход забаронены?

Акадэмія МУС вырашыла прыпыніць набор дзяўчат на факультэт міліцыі ў 2016 годзе. Звычайна для прадстаўніц жаночага полу выдзялялася 10 месцаў. Аднак ВНУ плануе працягнуць набор абітурыентак на іншыя факультэты. Напрыклад, 10 месцаў для дзяўчат пакінулі на спецыяльнасці “крымінальна-выканаўчая дзейнасць”, 17 – на спецыяльнасці “судова-пракурорска-следчая дзейнасць і судовыя крыміналістычныя дысцыпліны”.

Топ навінаў для моладзі за тыдзень
fishki.net

Тлумачэнняў такога рашэння кіраўнік аддзела камплектавання РАУС Мінгарвыканкама Уладзімір Сіняк, які і абвесціў рашэнне ВНУ, не даў. Цікава, што Ваенная Акадэмія Рэспублікі Беларусь наадварот у 2016 годзе аднавіла набор дзяўчат на свае спецыяльнасці.

0
Каментары
Няма каментарыяў.
Топ навінаў для моладзі за тыдзень Топ навінаў для моладзі за тыдзень Топ навінаў для моладзі за тыдзень Топ навінаў для моладзі за тыдзень Топ навінаў для моладзі за тыдзень Топ навінаў для моладзі за тыдзень Топ навінаў для моладзі за тыдзень
Топ навінаў для моладзі за тыдзень Топ навінаў для моладзі за тыдзень Топ навінаў для моладзі за тыдзень Топ навінаў для моладзі за тыдзень Топ навінаў для моладзі за тыдзень Топ навінаў для моладзі за тыдзень Топ навінаў для моладзі за тыдзень