Алекс Фарроў: Моладзь мусіць даносіць свае ідэі агульным фронтам

Прадстаўнік арганізацыі Youth Policy Press and Labs, даследчык праблем моладзі і моладзевай палітыкі Алекс Фарроў выступае фасілітататарам РАДА ФОРУМ. Што можа змяніць беларуская моладзь, з якімі праблемамі сутыкаецца і на што разлічвае, разважаем разам з брытанскім экспертам.

Алекс Фарроў: Моладзь мусіць даносіць свае ідэі агульным фронтам

Вы аналізіравалі заканадаўства СНД, у тым ліку беларускія законы адносна моладзевай палітыкі. І якія высновы?

Мы рабілі аналіз таго, што змянілася ў моладзевай палітыцы ў гэтым годзе, якія былі прынятыя папраўкі ў заканадаўстве. Мы аналізавалі толькі тэарэтычную частку. Толькі тое, што напісана ў законе. Але мы не вывучалі, наколькі законы працуюць у жыцці.

Мы бачылі, што заканадаўства адарванае ад таго, што адбываецца ў рэальнасці. Няма ні бюджета, ні плана рэалізацыі, ні базавых рамак, каб рабіць маніторынг гэтай дзейнасці. Таксама не быў улічаны прынцып інклюзіўнасці. Каб усе моладзевыя кругі былі ўключаныя, а не толькі эліта. Мы бачылі толькі вось такі элітарны падыход. Тут узнікае два пытанні. Ці спрабуе моладзь паўплываць на палітыку ў адносінах да сябе, да моладзі. Ці яны прымаюць гэтую палітыку такой, якая яна ёсць. Не звяртаюць на яе ўвагі і працуюць у тых напрамках, у якіх бы працавалі і без гэтай моладзевай палітыкі.

Алекс Фарроў: Моладзь мусіць даносіць свае ідэі агульным фронтам

На форуме вы шмат кантактуеце з прадстаўнікамі беларускай моладзі. Ці ёсць гэтая зацікаўленасць, каб уплываць на нешта?

Той факт, што на форуме зарэгістравалася больш, чым 60 арганізацый кажа, што моладзевы сектар зацікаўлены ў такой рабоце. Поспех форума ў тым, што ён сабраў гэтыя арганізацыі. Бо яны ж не збіраліся ўжо некалькі гадоў.

Што сёння спыняе станоўчыя змены для моладзі?

Моладзевым арганізацыям трэба ўлічваць патрэбы, запыты і чаканні маладых людзей, каб весці іх за сабой. Калі гэтага не будзе, моладзь проста не пойдзе за імі. Шчыра кажучы, я рэдка заўважаю, што моладзь неактыўная па змоўчванні.

Як зрабіць, каб нашы палітыкі звярталі ўвагу на праблемы моладзі?

З той дэмаграфічнай сітуацыяй, у якой цяпер Беларусь, палітыкі мусяць прыслухоўвацца да моладзі. Колькасць пенсіянераў амаль роўная колькасці людзей працаздольнага ўзросту. Плюс яшчэ дзеці. Таму трэба забяспечваць максімальную эфектыўнасць працы для людзей працаздольнага ўзросту. Трэба, каб яны хацелі нешта зрабіць унутры краіны, а не з’ехаць адсюль. Таму іх трэба падтрымліваць.

Я лічу, што палітык любога ўзроўню мусіць ісці за такімі мэтамі. Гэта трэба падтрымліваць, каб забяспечыць выжыванне нацыі.

Алекс Фарроў: Моладзь мусіць даносіць свае ідэі агульным фронтам

Стан моладзі ў Беларусі і ў іншых краінах СНД адрозніваецца?

Тэксты законаў у галіне моладзевай палітыкі вельмі падобныя. Гэта як прыклад, як мадэль. Але падыход, праца гэтых законаў на прасторы СНД не адпавядае патрабаванням моладзі. Па сутнасці моладзевая палітыка ёсць, але яна не адказвае патрабаванням моладзі настолькі, наколькі б магла. Цікавы момант, што ўрад у краінах СНД гэта разумее. Але не разумее што канкрэтна трэба рабіць і як. І цяпер, у 2016 годзе, мусяць існаваць іншыя падыходы, чым 20 гадоў таму.

Якім чынам моладзь можа данесці свае патрэбы? Бо нават вулічныя пратэсты, часам, не дапамагаюць.

Напрыклад, украінская моладзь выкарыстоўвае пратэсты. У Тунісе, Егіпце, Лівіі ўсё з гэтага пачыналася. Калі ўрад будзе ігнараваць інтарэсы моладзі, гэта прыводзіць да такіх далёкаідучых палітычных наступстваў. Канешне, гэтага не адбываецца паўсюль. Пратэсты ёсць і ў Вялікабрытаніі. Але гэта экстрэмальны варыянт да якога нельга дапускаць сітуацыю. Што трэба, дык гэта аб’яднаць моладзь. І даносіць свае ідэі агульным фронтам. І гэта можа мець нарастаючы эфект. Тады іх высілкі акупяцца. Вось, напрыклад, РАДА ФОРУМ ужо аб’ядноўвае моладзь.

Алекс Фарроў: Моладзь мусіць даносіць свае ідэі агульным фронтам

А праз культурныя праекты ідэі можна даносіць? Бо ў нас такія праекты якраз працуюць.

Вядома. Змены праз культурную сферу магчымыя. Так можна змяняць меркаванне людзей. Нават у краінах з больш вольным грамадствам, адзін фільм можа паўплываць на свядомасць людзей. Калі палітычны метад не працуе, то культурніцкі ўплыў можа спрацаваць. І не варта забываць пра эфект дыялогу. Калі людзі будуць размаўляць і рабіць высновы. Але гэта павольны працэс.

РАДА ФОРУМ праходзіў у Мінску 17-18 верасня, гэта двухдзённая канферэнцыя па пытаннях моладзі і моладзевай палітыкі ў Беларусі. Арганізатары: Рэспубліканскае моладзевае грамадскае аб’яднанне “Некст Стоп – Нью Лайф” сумесна з Беларускім нацыянальным моладзевым саветам “РАДА”.

Алекс Фарроў: Моладзь мусіць даносіць свае ідэі агульным фронтам Алекс Фарроў: Моладзь мусіць даносіць свае ідэі агульным фронтам Алекс Фарроў: Моладзь мусіць даносіць свае ідэі агульным фронтам Алекс Фарроў: Моладзь мусіць даносіць свае ідэі агульным фронтам Алекс Фарроў: Моладзь мусіць даносіць свае ідэі агульным фронтам Алекс Фарроў: Моладзь мусіць даносіць свае ідэі агульным фронтам Алекс Фарроў: Моладзь мусіць даносіць свае ідэі агульным фронтам
Алекс Фарроў: Моладзь мусіць даносіць свае ідэі агульным фронтам Алекс Фарроў: Моладзь мусіць даносіць свае ідэі агульным фронтам Алекс Фарроў: Моладзь мусіць даносіць свае ідэі агульным фронтам Алекс Фарроў: Моладзь мусіць даносіць свае ідэі агульным фронтам Алекс Фарроў: Моладзь мусіць даносіць свае ідэі агульным фронтам Алекс Фарроў: Моладзь мусіць даносіць свае ідэі агульным фронтам Алекс Фарроў: Моладзь мусіць даносіць свае ідэі агульным фронтам Алекс Фарроў: Моладзь мусіць даносіць свае ідэі агульным фронтам Алекс Фарроў: Моладзь мусіць даносіць свае ідэі агульным фронтам Алекс Фарроў: Моладзь мусіць даносіць свае ідэі агульным фронтам Алекс Фарроў: Моладзь мусіць даносіць свае ідэі агульным фронтам