Заява Беларускага нацыянальнага моладзевага савета “РАДА”

Заява Беларускага нацыянальнага моладзевага савета “РАДА” ў сувязі з добраахвотным нацыянальным дакладам Беларусі аб дасягненнi Павесткі дня ў галіне ўстойлівага развіцця на перыяд да 2030 года і 17 Мэтаў устойлівага развіцця, які пройдзе падчас Палітычнага Форума Высокага Узроўня ў штаб-кватэры Арганізацыі Аб’яднаных Нацый у Нью-Йорку з 10 па 19 ліпеня 2017 года.

Мы, саюз дзевятнаццаці дэмакратычных моладзевых арганізацый Беларусі, створаны з мэтай кансалідацыі беларускіх моладзевых арганізацый грамадзянскай супольнасці дзеля прадстаўлення, прасоўвання і абароны агульных інтарэсаў, рэалізацыі права на свабоду аб’яднанняў, іншых канстытуцыйных правоў, прадстаўленыя кіруючым органам – Саветам “РАДА”, выступаем з наступнай заявай:

“РАДА” выражае глыбокую занепакоенасць працэсам рэалізацыі, ажыццяўлення наступнай дзейнасці і правядзення агляду Павесткі дня ў галіне ўстойлівага развіцця на перыяд да 2030 года, праведзеныя беларускім урадам, і практыкай выключэння адной з найважнейшых груп – моладзі, незалежных і дэмакратычных моладзевых арганізацый, у прыватнасці, “РАДА” і іншых незалежных і дэмакратычных арганізацый грамадзянскай супольнасці, з наступнай дзейнасці і агляду Павесткі дня ў галіне ўстойлівага развіцця на перыяд да 2030 года і Добраахвотнага нацыянальнага даклада Беларусі.

Міністэрства замежных спраў Рэспублікі Беларусь, у якасці прадстаўніка Рэспублікі Беларусь пры Арганізацыі Аб’яднаных Нацый, выступіць з нацыянальнай справаздачай аб працы, выкананай з мэтай дасягнення Мэтаў устойлівага развіцця падчас Палітычнага Форума Высокага Узроўня ў штаб-кватэры Арганізацый Аб’яднаных Нацый з 10 па 19 ліпеня 2017 года.

Згодна з параграфамі 78 і 79 рэзалюцыі 70/1, пад назвай “Пераўтварэнне нашага свету: Павестка дня ў галіне ўстойлівага развіцця на перыяд да 2030 года”, дзяржавам-членам Арганізацыі Аб’яднаных Нацый рэкамендуецца ўключаць у працэс нацыянальнага добраахвотнага даклада аб дасягненні Павесткі дня ў галіне ўстойлівага развіцця на перыяд да 2030 года ўсе зацікаўленыя бакі. У параграфе 79 указана: “Мы рэкамендуем таксама дзяржавам-членам праводзіць рэгулярныя і ўсёабдымныя агляды прагрэсу на нацыянальным і субнацыянальным узроўнях такім чынам, каб кіраўнікамі і ініцыятарамі гэтых аглядаў былі самі краіны. Такія агляды павінны праводзіцца з улікам меркаванняў карэнных народаў, грамадзянскай супольнасці, прыватнага сектара і іншых зацікаўленых бакоў, згодна з нацыянальнымі ўмовамі, стратэгіямі і прыярытэтамі. Нацыянальныя парламенты, а таксама іншыя ўстановы, могуць падтрымаць гэтыя працэсы”.

Дадаткова, “РАДА” падкрэслівае, што ў параграфе 74 рэзалюцыі 70/1 устаноўлена, што працэсы ажыццяўлення наступнай дзейнасці і правядзення агляду на ўсіх узроўнях будуць адпавядаць шэрагу прынцыпаў, у тым ліку яны будуць “адкрытымі, усёабдымнымі, заснаванымі на шырокім удзеле і празрыстымі для ўсіх людзей і будуць спрыяць прадстаўленню інфармацыі ўсімі адпаведнымі зацікаўленымі бакамі” і што “яны будуць прадугледжваць задавальненне патрэбаў людзей, улічваць гендарныя аспекты, забяспечваць павагу правоў чалавека і пры гэтым будуць скіраванымі ў першую чаргу на забеспячэнне інтарэсаў самых бедных, найбольш уражлівых і найбольш адсталых”. Моладзь прызнаная адным з зацікаўленых бакоў, які павінны быць уключаны ў працэс устойлівага развіцця, праз папярэднія дакументы Арганізацыі Аб’яднаных Нацый, у тым ліку Павестку 2030 і рэзалюцыю 66/288, пад назвай “Будучыня, якую мы хочам”.

Далей, “РАДА” прытрымліваецца пазіцыі, што адзіным спосабам эфектыўнай рэалізацыі Павесткі дня ў галіне ўстойлівага развіцця на перыяд да 2030 года з’яўляецца ўсталяванне дзяржавай-членам партнёрскіх адносінаў з асноўнымі групамі і ўсімі зацікаўленымі бакамі для таго, каб прадставіць найбольш поўную, інклюзіўную, разнапланавую і дакладную ілюстрацыю працэсу.

Кіруючы орган “РАДА” заклікае прадстаўнікоў міжнародных арганізацый і інстытутаў актыўна падтрымаць і паспрыяць дадзенай заяве і рэкамендуе беларускім уладам:

  1. Забяспечыць празрыстасць, транспарэнтнасць і інклюзіўнасць Добраахвотнага нацыянальнага даклада Беларусі па працэсу ажыццяўлення наступнай дзейнасці і агляду Павесткі дня ў галіне ўстойлівага развіцця на перыяд да 2030 года, які павінны базавацца на падыходзе, які прадугледжвае сумесны і добраахвотны ўдзел;
  2. Выкарыстоўваць дзейсныя і празрыстыя механізмы і працэсы ўключэння прадстаўнікоў арганізацый грамадзянскай супольнасці, у тым ліку моладзевых арганізацый, у працэс Добраахвотнага нацыянальнага даклада Беларусі па працэсу ажыццяўлення наступнай дзейнасці і агляду Павесткі дня ў галіне ўстойлівага развіцця на перыяд да 2030 года;
  3. Захоўваць, распаўсюджваць і размяшчаць у свабодным доступе на агульнадаступных рэсурсах і платформах дадзеныя і справаздачы па Добраахвотным нацыянальным дакладзе Беларусі па працэсу ажыццяўлення наступнай дзейнасці і агляддзе Павесткі дня ў галіне ўстойлівага развіцця на перыяд да 2030 года;
  4. Пазбавіцца ад практыкі фармалізаванага падыхода ў выбары арганізацый грамадзянскай супольнасці, у тым ліку моладзевых арганізацый, дзеля супрацоўніцтва па Добраахвотным нацыянальным дакладзе Беларусі па працэсу ажыццяўлення наступнай дзейнасці і аглядзе Павесткі дня ў галіне ўстойлівага развіцця на перыяд да 2030 года.

Алесь Крот,

Старшыня Беларускага нацыянальнага моладзевага савета “РАДА”

0
Каментары
Няма каментарыяў.
Заява Беларускага нацыянальнага моладзевага савета “РАДА” Заява Беларускага нацыянальнага моладзевага савета “РАДА” Заява Беларускага нацыянальнага моладзевага савета “РАДА” Заява Беларускага нацыянальнага моладзевага савета “РАДА” Заява Беларускага нацыянальнага моладзевага савета “РАДА” Заява Беларускага нацыянальнага моладзевага савета “РАДА” Заява Беларускага нацыянальнага моладзевага савета “РАДА”
Заява Беларускага нацыянальнага моладзевага савета “РАДА” Заява Беларускага нацыянальнага моладзевага савета “РАДА” Заява Беларускага нацыянальнага моладзевага савета “РАДА” Заява Беларускага нацыянальнага моладзевага савета “РАДА” Заява Беларускага нацыянальнага моладзевага савета “РАДА” Заява Беларускага нацыянальнага моладзевага савета “РАДА” Заява Беларускага нацыянальнага моладзевага савета “РАДА”