Наша дзейнасць

Акадэмiя моладзевай палiтыкi

Адукацыйны праект “Акадэмія моладзевай палітыкі” ўпершыню быў рэалізаваны у 2014 годзе. Пілотны курс складаўся з семінараў і адрытых мерапрыемстваў “Моладзевага кафэ”. Семінары асвятлялі тэмы еўрапейскай і беларускай моладзевай палітыкі, яе гісторыі, маніторынгу, планавання дзейнасці па прасоўванні інтарэсаў моладзі. Агулам адбылося тры семінары “Еўрапейская моладзевая палітыка: прынцыпы, каштоўнасці, практыка”, “Маніторынгавыя дзеянні на карысць інтарэсаў беларускай моладзі” і “Моладзевая палітыка ў Беларусі і Літве”.

Акадэмiя Першых

Мэта “Акадэміі Першых” – падрыхтоўка моладзевых актывістаў для больш эфэктыўнай пабудовы інстытутаў грамадзянскай супольнасці і кіравання іх дзейнасцю.

“Акадэмія Першых” працяглы час з’яўлялася адной з візітовак “РАДА”. Адукацыйны курс рэалізоўваўся 8 год! Праз яго прайшлі сотні актывістаў, якія даведаліся пра этапы планавання і рэалізацыі праектаў, навучыліся фармуляваць мэты і фармаваць каманду, пазнаёміліся з моладзевай палітыкай Беларусі і Эўропы, даведаліся больш пра дэмакратычныя прынцыпы і правы чалавека.

Акадэмія першых [перазагрузка]

“Акадэмія першых [перазагрузка]” – гэта доўгатэрміновая адукацыйная праграма, скіраваная на павышэнне патэнцыялу беларускіх моладзевых арганізацый і ініцыятыў.

Фармат праграмы: ад кожнай арганізацыі/ініцыятывы ў праграме прымаюць удзел 2 прадстаўніка ці прадстаўніцы, якія наведваюць групавыя навучальныя трэнінгі, сустракаюцца і атрымліваюць анлайн-кансультацыі ад дасведчаных ментараў ці ментарак, выконваюць хатнія заданні, транслююць атрыманыя веды і абмяркоўваюць далейшыя дзеянні паміж чальцамі сваёй арганізацыі/ініцыятывы.

Праграма распачалася ў верасні 2018 года, калі адбыўся першы агульны ўводны трэнінг для прадстаўнікоў і прадстаўніц моладзевых арганізацый/ініцыятываў і іх ментараў і ментарак. На сустрэчы удзельнікі і ўдзельніцы пашырылі сваё ўяўленне пра трэнды і каштоўнасці сучаснай моладзі, даведаліся больш пра тое, на чым грунтуецца моладзевая праца і як яна звязаная з моладзевай палітыкай. Важнай часткай сустрэчы стала праца над выяўленнем патрэб арганізацый і ініцыятываў, якія прымаюць удзел у Акадэміі, а таксама знаёмства з ментарамі і ментаркамі праграмы ды планаванне першых крокаў.

Зараз удзельнікі і ўдзельніцы індывідуальна працуюць са сваімі ментарамі і ментаркамі над вырашэннем праблем і развіццём сваіх арганізацый і ініцыятыў, сустракаюцца ў анлайн- і афлайн-фарматах.

Моладзевае кафе

У 2014 г. Беларускі нацыянальны моладзевы савет “РАДА” распачаў шэраг сустрэч, дыскусій, прэзентацый, міні-лекцый для маладых беларусаў і беларусак на розныя тэмы ў межах “Моладзевага кафе”.

Тэмамі “Моладзевага кафе” ужо сталі: моладзевая палітыка ў Беларусі і Еўропе, грамадзянская супольнасць і дэмакрытыя, навыкі і ўменні для грамадскіх актывістаў (ад майстэрства самапрэзентацыі да развіцця кампетэнцый камунікацыі, PR-стратэгій і арганізацыі працы ў камандзе), правы чалавека, моладзі і інтэрнэт.

Мы запрашаем самых цікавых выступоўцаў, маладых прафесіяналаў сваёй справы і экспертаў міжнароднага ўзроўня, каб за кубачкам кавы ці гарбаты ва ўтульнай атмасферы абмеркаваць тое, што сапраўды важна.

RADA FORUM

«RADA FORUM» — двухдзённая канферэнцыя па пытаннях моладзі, моладзевай палітыкі, моладзевых арганізацый і ініцыятыў у Беларусi.

Мерапрыемства збірае прадстаўнікоў і прадстаўніц моладзевых арганізацый, акадэмічнай супольнасці і міжнародных інстытутаў. Удзельнікі і ўдзельніцы форуму абмяркоўваюць аспекты працы ў моладзевых арганізацыях і іх узровень уплыву на моладзевую палітыку, асноўныя выклікі і тэндэнцыi, якія існуюць у моладзевым сектары. RADA FORUM – гэта пляцоўка для новых знаёмстваў і ўсталявання будучага партнёрства ў моладзевым сектары.

RADA MARKET

“RADA MARKET” – гэта пляцоўка абмену ідэямі, рэчамі, ведамі і натхненнем. Мерапрыемства носіць дабрачынны характар і аб’ядноўвае ў сабе Free market (пляцоўку для бясплатнага абмену рэчамі і паслугамі), Youth Fair (пляцоўку моладзевых арганізацый і ініцыятыў), а таксама лекцыі, варкшопы, кінапаказы. Першы RADA MARKET адбыўся 10 снежня 2016 года ў Мінску, а зараз мерапрыемства кожны год праводзіцца ў рэгіянальных цэнтрах – 21 кастрычніка 2017 года маркет з поспехам прайшоў у Віцебску, а 27 кастрычніка 2018 года – у Брэсце.

Валанцёрскі фэст

Яго мэта – папулярызацыя моладзевага ўдзелу ў дзейнасці некамерцыйных арганізацый і ініцятыў, стварэнне пазітыўнага іміджу пра валанцёрскую дзейнасць сярод маладых людзей. На працягу дня маладыя людзі наведваюць арганізацыі і ініцыятывы, знаёмяцца з іх дзейнасцю, дапамагаюць у падрыхтоўцы мерапрыемстваў. За гэты час удзельнікі і ўдзельніцы могуць не толькі даведацца пра існуючыя моладзевыя арганізацыі і ініцыятывы, але і пазнаёміцца бліжэй з іх дзейнасцю, абмеркаваць далейшыя шляхі супрацоўніцтва.

RADA AWARDS

Нацыянальная моладзевая прэмія RADA AWARDS – гэта сімвал прызнання і падзякі маладым людзям Беларусі за іх каштоўны ўнёсак у стварэнне будучага, у якім беларусы жывуць свабодна і годна!
Прэмія была заснаваная Беларускім нацыянальным моладзевым саветам “РАДА” у 2016 годзе і ўручаецца выбітным маладым актывістам і актывісткам, арганізацыям і ініцыятывам. Лаўрэатаў абіраюць розныя арганізацыі грамадзянскай супольнасці, якія з’яўляюцца экспертамі і прафесіяналамі ў сваёй галіне.

RADAR

Radar – першая мабільная прылада для НДА.

З дапамогай прылады можна сачыць за дзейнасцю грамадскіх арганізацый і ініцыятыў:

  • у прыладзе ёсць інтэрактыўная карта, з яе дапамогай можна бачыць, дзе фізічна знаходзіцца пэўная арганізацыя. Так вы з лёгкасцю зможаце да яе дабрацца.
  • у прыладзе ёсць афіша ўсіх мерапрыемстваў ад арганізацый, то-бок таксама вы зможаце ўбачыць, якія бліжэйшыя мерапрыемствы ў арганізацый ёсць.

У Radar прадстаўлены недзяржаўныя моладзевыя арганізацыі і ініцыятывы. Пры гэтым там ёсць не толькі сталічныя ініцыятывы, але і НДА з усёй Беларусі.

Даследаванні

Беларускі нацыянальны моладзевы савет “РАДА” падчас сваёй дзейнасці сутыкнуўся з адсутнасцю публічнага доступа да актуальных справаздач па становішчы моладзі, якія рыхтуюцца Міністэрствам адукацыі. У сувязі з гэтым “РАДА” распачала ўласныя даследаванні.

Першая часта даследавання была прадстаўлена грамадскасці ў лютым 2015 года. Агляд моладзевай палітыкі і ўдзелу моладзі ў Беларусі быў напісаны на падставе аналізу пісьмовых крыніц, фокус-груп і індывідуальных інтэрв’ю з прадстаўнікамі моладзевых арганізацый і ініцыятыў. Дакумент апісвае рэгуляванне моладзевай палітыкі ў Беларусі і магчымасці ўдзелу моладзі ў грамадска-палітычным жыцці.

Рэсурсная дапамога

Дэмакратычныя моладзевыя арганізацыі і ініцыятывы могуць атрымаць рэсурсную (нематэрыяльную) дапамогу ад “РАДА”.

Сяброўскім арганізацыям “РАДА” аказваецца падтрымка па арэндзе памяшкання пад бягучыя мерапрыемствы.

Наша дзейнасць Наша дзейнасць Наша дзейнасць Наша дзейнасць Наша дзейнасць Наша дзейнасць Наша дзейнасць
Наша дзейнасць Наша дзейнасць Наша дзейнасць Наша дзейнасць Наша дзейнасць Наша дзейнасць Наша дзейнасць Наша дзейнасць Наша дзейнасць Наша дзейнасць Наша дзейнасць