Пра сяброўскія арганізацыі

Беларускі нацыянальны моладзевы савет «РАДА» – гэта перш за ўсё моладзевыя арганізацыі. Пасля ліквідацыі «РАДЫ» рашэннем Вярхоўнага суда РБ у 2006 годзе некаторыя арганізацыі пакінулі наш саюз, аднак шмат якія засталіся нават пад пагрозай уласнай ліквідацыі.
На сённяшні дзень у «РАДУ» ўваходзяць 20 моладзевых арганізацый.

Каб не ставіць арганізацыі пад пагрозу з 2006 году спіс арганізацый быў закрыты, а арганізацыі самі вызначаюць ці апублічваецца іх прыналежнасць да «РАДЫ».

Задзіночанне Беларускіх Студэнтаў — найстарэйшая моладзевая арганізацыя Беларусі. Мы пачыналі яшчэ ў канцы 1980-х, калі нефармальная моладзь з БДУ, Педагагічнага інстытута і Медыцынскага ўніверсітэта аб’ядналася, каб расхістаць панылае савецкае студэнцкае жыццё.
ЗБС праводзіла кампаніі супраць палітызацыі адукацыі, акцыі пратэсту супраць вывучэння гісторыі камуністычнай партыі ў якасці абавязковага прадмету. З 1989 году арганізацыя выдавала газэту «Студэнцкая Думка», якая потым ператварылася ў часопіс і ў 1999 годзе стала незалежным выданнем.
У 2001 годзе ЗБС запусціла студэнцкі партал studenty.by, які затым стаў парталам Generation.by — адным з самых папулярных беларускіх моладзевых вэб-сайтаў.
ЗБС з’яўляецца паўнапраўным сябрам Еўрапейскага Саюза Студэнтаў — вялікай парасонавай арганізацыі, што злучае 45 нацыянальных студэнцкіх радаў з 38 краін.
Мы комплексна падыходзім да праблем студэнцтва і накіроўваем сваю дзейнасць на павышэнне грамадскай актыўнасці, інтэлектуальнага і культурнага ўзроўню студэнтаў.
ЗБС займаецца абаронай правоў і інтарэсаў студэнтаў, намагаецца прыкладаць усе магчымыя высілкі для рэфармавання сістэмы адукацыі Беларусі, павышэнне яе ўзроўню і эфектыўнасці.
Больш чым за дваццаць гадоў сваёй дзейнасці мы рэалізавалі дзясяткі праектаў у галіне культуры, нефармальнай адукацыі і абароны правоў. Ідэй хопіць яшчэ на столькі ж, калі не больш. Далучыцца да іх рэалізацыі надзвычай лёгка — проста напішы нам.

Сайт: http://zbsunion.by/, email: zbsstydent@gmail.com

«Экадом» — гэта грамадскае аб’яднанне, якое прапагандуе экалагічна прыязны лад жыцця і ідэі ўстойлівага развіцця.
Мы шукаем баланс паміж прыродай і цывілізацыяй і жадаем наблізіцца да разумення свету і свайго месца ў ім.
«Экадом» распрацоўвае праблематыку ўкаранення арганічнай сельскай гаспадаркі і пермакультуры (сельскай гаспадаркі, заснаванай на ўзаемасувязях, што назіраюцца ў натуральных экасістэмах) у Беларусі, экалагічнай архітэктуры і будаўніцтва, прымянення нормаў Орхускай канвенцыі, выступае за антыядзерную палітыку дзяржавы.
Асноўны праект «Экадома» — стварэнне адукацыйнага цэнра, на базе якога адбываюцца семінары, курсы, летнікі для дзяцей і моладзі.
«Экадом» заўсёды адкрыты для супрацоўніцтва з НДА, будаўнікамі, фермерамі, эколагамі, настаўнікамі, з дзецьмі і дарослымі, з усімі, хто жадае жыць у гармоніі з навакольным асяроддзем.

Сайт: http://ecohome-ngo.by/, email: ecohome.by@gmail.com

«Студэнцкая Рада» з’явілася ў сакавіку 2008 года як ініцыятыва групы студэнтаў розных навучальных устаноў г. Мінска. Яе стварэнне стала адказам на пастаянныя парушэнні правоў і свабод студэнтаў Беларусі.
Шматлікія студэнты ведаюць «Студэнцкую Раду» як арганізацыю, у якую можна звярнуцца ў выпадку ціску ці парушэння правоў з боку ўніверсітэта. З самага пачатку сваей дзейнасці мы паспяхова аказваем юрыдычныя кансультацыі навучэнцам ВНУ, тлумачым законы і дапамагаем дамагчыся справядлівасці.
Аднак «Студрада» не абмяжоўваецца адным накірункам дзейнасці. Мы праводзім даследванні становішча студэнтаў у Беларусі, выканання іх правоў і   рэалізацыі свабодаў, праводзім інфармацыйныя кампаніі і адукацыйныя мерапрыемствы.
Мы верым, што дзейнайсць «Студэнцкай Рады» спрыяе фармаванню новага пакалення студэнтаў, паўнавартасных удзельнікаў адукацыйнага працэса, якія маюць актыўную грамадскую пазіцыю і крытычнае мысленне. Мы жадаем, каб навучэнцы былі салідарнымі, імкнуліся да свабоды і адчувалі сябе часткай студэнцкай супольнасці.

Сайт: studrada.org, email: students.rada@gmail.com

Маладыя Хрысціянскія Дэмакраты — гэта моладзевая суполка партыі Беларуская Хрысціянская Дэмакратыя.
МХД аб’ядноўвае актыўных і неабыякавых маладых людзей, якія прагнуць бачыць Беларусь незалежнай, дэмакратычнай і прававой дзяржавай, якая базуецца на хрысціянскіх каштоўнасцях.
Маладыя Хрысціянскія Дэмакраты выступаюць за нарадаўладдзе, бо адзінай крыніцай ўлады ёсць народ, які ажыццяўляе сваю волю шляхам свабодных выбараў.
Мы ўпэўненыя, што палітыка нацыянальных інтарэсаў павінна быць стрыжнем усёй унутранай палітыкі Беларусі.
МХД адстойваюць ідэю дэідэалагізацыі ўсіх дзяржаўных інстытутаў: сям’і, войска, праваахоўных органаў, сістэмы адукацыі.
Мы распрацавалі комплексны план рэфармавання палітычнага ўладкавання беларускай дзяржавы і грамадства, каб дасягнуць галоўнай мэты МХД — маральна-духоўнага, нацыянальнага, палітычнага і эканамічнага адраджэння Беларусі.

Сайт: http://ychd.info/, email: bcdyouth@gmail.com

Мы — «Маладая Грамада». Мы маладыя, адукаваныя, амбітныя. Мы сучасна мыслім, нам чужы радыкалізм, які сёння часам уласцівы як уладзе, так і апазыцыі.
Мы разумеем, што дзеянні без падмурку ведаў — гэта першы крок да паразы. Таму мы пастаянна вучымся і пераймаем вопыт іншых развітых краін, каб увасобіць яго ў Беларусі.
«Маладая Грамада» — рэалісты Мы разумеем, што свабоднае і высокаразвітае грамадства нельга пабудаваць за тыдзень ці год. Таму для нас галоўнае — стварыць супольнасць маладых людзей, якія падзяляюць нашы імкненні. Мы жадаем сфарміраваць моладзевую грамадзянскую супольнасць праз сацыяльнае партнёрства.
Мы — левыя. Свабода, роўнасць, салідарнасць — гэта пра нас.

Сайт: msd-mh.info, email: secretary.general@msdmh.org

«Маладыя дэмакраты» – моладзевая арганізацыя Аб’яднанай грамадзянскай партыі, заснаваная ў 2007 годзе. Місія «Маладых Дэмакратаў» заключаецца ў развіцці грамадзянскай супольнасці  і дэмакратычных інстытутаў краіны праз павышэнне ўдзелу маладых людзей у палітычнай, эканамічнай і сацыяльнай сферах грамадскага жыцця.
Свае мэты і задачы арганізацыя рэалізуе праз правядзенне круглых сталоў па абмеркаванні праблем, канферэнцый, семінараў, трэнінгаў, вулічных акцый, выданне і распаўсюд друкаванай прадукцыі, публікацыі ў электронных СМІ, удзел у выбарчых кампаніях.

Сайт: http://goo.gl/SMho0j, email: youngdemocratsucp@gmail.com

Цэнтр развіцця студэнцкіх ініцыятыў (ЦРСІ) – арганізацыя, створаная для развіцця студэнцкіх ініцыятыў, падтрымкі актыўных студэнтаў і студэнцкіх арганізацый.
Місія араганізацыі – развіццё незалежнага, моцнага, дэмакратычнага студэнцкага руху Рэспублікі Беларусь.
ЦРСІ спрыяе з’яўленню новых студэнцкіх ініцыятыў і студэнцкіх лідараў, дапамагае існуючым студэнцкіх ініцыятывам, падтрымлівае дэмакратызацыю існуючых універсітэцкіх студэнцкіх ініцыятыў, працуе над актывізацыяй развіцця платформ узаемадзеяння студэнцкіх актывістаў і ініцыятыў.
“Цэнтр развіцця студэнцкіх ініцыятыў” факусуецца на падтрымцы студэнцкіх ініцыятыў і арганізацый, якія дзейнічаюць у сферах абароны правоў і прасоўвання інтарэсаў студэнтаў, ажыцяўлення дэмакратычных зменаў у ВНУ, павышэння якасці адукацыі.
ЦРСІ адкрыты да супрацоўнкіцтва з арганізацыямі і ініцыятывамі, якія зацікаўленыя ў сумеснай дзейнасці.
Сайт: https://vk.com/cdsi_by, email: cdsi.belarus@gmail.com

Пра сяброўскія арганізацыі Пра сяброўскія арганізацыі Пра сяброўскія арганізацыі Пра сяброўскія арганізацыі Пра сяброўскія арганізацыі Пра сяброўскія арганізацыі Пра сяброўскія арганізацыі
Пра сяброўскія арганізацыі Пра сяброўскія арганізацыі Пра сяброўскія арганізацыі Пра сяброўскія арганізацыі Пра сяброўскія арганізацыі Пра сяброўскія арганізацыі Пра сяброўскія арганізацыі