Рэзалюцыя па пераадоленні Звужаючайся прасторы і пашырэнні магчымасцей для моладзі

З РАДАсцю паведамляем, што 23 лістапада Еўрапейскі Моладзевы Форум прыняў ініцыяваную РАДА Рэзалюцыю па пераадоленні Звужаючайся прасторы і пашырэнні магчымасцей для моладзі! 

Беларускі нацыянальны моладзевы савет РАДА з вялікай падзякай ставіцца да прыняцця рэзалюцыі абсалютнай большасцю ўдзельнікаў і ўдзельніц Форума!

Прынятая рэзалюцыя канцэнтруе ўвагу еўрапейскіх і нацыянальных уладаў на важнасці пераадолення праблем моладзевых арганізацый у сувязі з памяншэннем магчымасцей у розных сферах:

• фінансавай
• удзелу ў працэсах прыняцця рашэнняў
• дасяжнасці да медыя і мэтавых аўдыторый
• парушэнні аўтаноміі моладзевага сектара ўладамі

Прыняццё рэзалюцыі адбылося 22-23 лістапада ў межах сустрэчы Савета сяброў Еўрапейскага Моладзевага Форума, які з’яўляецца буйнейшай моладзевай парасонавай структурай свету і аб’ядноўвае больш за 100 нацыянальных моладзевых саветаў і міжнародных моладзевых НДА.

Галоўныя мэты дзейнасці ЕМФ:

• павелічэнне ўдзелу моладзі
• узмацненне моладзевых арганізацый
• падвышэнне моладзевай аўтаноміі і інклюзіі

Толькі актыўны і незалежны моладзевы сектар можа з’яўляцца фундаментам для пабудовы справядлівых і шчырых магчымасцей для моладзі і яе далучэння да прыняцця рашэнняў!