Вебінар “Дапамога тут і цяпер: праца з уразлівымі групамі падчас пандэміі”

Як арганізаваць эфектыўную працу з уразлівымі групамі падчас крызісу? Як уключыць новыя патрэбы людзей у свае актыўнасці?

Пандэмія змяніла звыклы свет вакол. У найбольш цяжкім становішчы апынуліся людзі з уразлівых сацыяльных груп. Хтосьці страціў працу, хтосьці застаўся неабароненым ад рызык, звязаных са здароўем, іншыя сутыкнуліся з высокай трывогай і нявызначанасцю.

Пра гэта вы можаце пагаварыць на вебінары “Дапамога тут і цяпер: праца з уразлівымі групамі падчас пандэміі”.

Калі: 8 траўня 17:00-18:30

Дзе: платформа Zoom

На вебінары абмяркуеце:

• як звязаны стрэс меншасцяў і (не)атрыманне дапамогі ў маштабных крызісных сітуацыях;
• што такое шматмерны аналіз беднасці (MDPA) і якую ролю ён адыгрывае ў ацэнцы патрэб;
• як можна ўжываць інтэрсекцыянальную оптыку ў працы з уразлівымі групамі падчас пандэміі.

Вебінар праводзіць Тоні Лашдэн*.

Рэгістрацыя абавязковая і адкрыта да 21:00 7 траўня па спасылцы. Калі вы запоўніце форму, то ў дзень правядзення вэбінара 8 траўня вы атрымаеце на пазначаную ў форме пошту ліст са спасылкай на сустрэчу ў Zoom.

Вебінар будзе карысным для супрацоўнікаў і супрацоўніц ініцыятыўных груп і арганізацый, якія задзейнічаны з уразлівымі групамі, а таксама для тых, хто імкнецца зрабіць сваю працу больш адчувальнай да новых патрэбаў сваіх бенефецыяраў і бенефецыярак.

* Тоні Лашдэн – феміністка, працуе  больш за сем гадоў з тэмамі псіхічнага дабрабыту, сацыяльнай няроўнасці і ўмацавання патэнцыялу маладых актывістаў і актывістак. У сваёй працы Тоні выкарыстоўвае гарызантальныя негвалтоўныя методыкі для стварэння інклюзіўных прастор і пошуку новых шляхоў змены свету вакол.

Арганізатары вебінара: Цэнтр развіцця эфектыўнай камунікацыі “Жывая Бібліятэка” пры падтрымцы Офіса еўрапейскай экспертызы і камунікацый і анлайн-часопіса CityDog.by у межах ініцыятывы “ALL Inclusive”.