Як судзілі Станіславу Гусакову?

Станіслава Гусакова – сяброўка савета Беларускага нацыянальнага моладзевага савета «РАДА» у 2017-2019 гг., кіраўніца выканаўчага бюро Асамблеі НДА.
Арыштаваная ў сябе дома ў Мінску 07.09.2020 г. а 12:30.

Затрыманне праводзілі чацвёра: мужчына ў цывільным і трое мужчын у камуфляжы і балаклавах. Не прадставіліся, не прад’явілі дакументы. Стасю пасадзілі ў «бус» і павезлі ў Маскоўскі РУУС. Пасля арышту ў яе кватэры быў праведзены ператрус: забралі камп’ютар, тэлефон, флэшкі.
Як мяркуецца, Стасю адвезлі на Акрэсціна, дзе яна правяла суткі.

Дзень 1

Суд быў прызначаны на 08.09.2020. Папярэдне, ёй інкрымінуюць ч. 1 арт. 23.34 КоАП (Парушэнне парадку арганізацыі або правядзення масавых мерапрыемстваў).

Суд над Станіславай Гусаковай пачаўся а 17:15 08.09.2020 і доўжыўся 30 хвілін.

Рашэнне суда: адправіць матэрыялы справы на дапрацоўку. Утрыманне Станіславы пад вартай пакінуць у сіле (72 гадзіны).

Хроніка судовага працэсу

Суд Маскоўскага раёна горада Мінска.
Суддзя Мотыль Таццяна Яраславаўна.
Сакратара судовага пасяджэння не прадставілі.
Адвакатка Якаўлева Вераніка Дзмітрыеўна.
Станіслава Гусакова ўдзельнічае ў пасяджэнні праз скайп-сувязь, знаходзіцца ў ізалятары на Акрэсціна.

Пачата пасяджэнне. У залю паседжання пусцілі ўсіх жадаючых.

Суддзя апытвае Станіславу Гусакову. (Прозвішча, імя, адрас)
Дапусцілі адвакатку.
Адвакатка просіць індывідуальна пагутарыць 15 хвілін з падабароннай.
Абвешчаны перапынку 10-15 хвілін.
Пасяджэнне працягваецца.
Суддзя зачытвае прыкметы правапарушэння:
Станіслава Гусакова ў тэлеграм чаце размясціла інфармацыю аб месцы і часе масавага мерапрыемства – жаночага маршу «Свабода. Роўнасць. Сестрынства», які адбыўся 29 жніўня, да ўзгаднення з Мінгарвыканкамам, чым парушыла парадак арганізацыі або правядзення масавых мерапрыемстваў у Рэспубліцы Беларусь.
Станіслава: прызнае, што размясціла інфармацыю пра марш да ўзгаднення з Мінгарвыканкамам. У арганізацыі самога маршу не ўдзельнічала. На момант рэпоста дадзенага паведамлення не ўсведамляла, што мерапрыемства не ўзгоднена з уладамі.
Суддзя: Вы скапіявалі інфармацыю аб правядзенні маршу з іншай крыніцы?
Станіслава: Не памятаю.
Адвакатка задае пытанні.
Станіслава кажа, што не праверыла інфармацыю пра марш. У Мінгарвыканкам за дазволап на мерапрыемства асабіста не звярталася.

Суд прымае рашэнне аб вяртанні справы для ліквідацыі недахопаў у той орган, які адправіў у суд на разгляд (РУУС Маскоўскага раёне г. Мінск). Утрыманне пад вартай пакінуць у сіле (затрымана на 72 гадзіны).

Пасяджэнне закрыта.

Дзень 2

Суд пачынаецца а 14:58 і доўжыцца 22 хвіліны.

Папярэдне, Станіславе інкрымінуюць ч.1 арт. 23.34 КоАП (Парушэнне парадку арганізацыі або правядзення масавых мерапрыемстваў). Суткі пасля пасяджэння суда 08.09.20 Станіслава правяла ў ізалятары на Акрэсціна.

На пасяджэнне 09.09.20 не прысутнічае адвакатка, бо знаходзіцца на слуханне па іншай справе.

У зале прысутнічае каля 12 чалавек, мужа з хадайніцтвам аб выкліку адвакаткі не пускаюць у залу суда. Увесь працэс пачынаецца бязладна, без прадстаўлення суддзі і сакратаркі.

Хроніка судовага працэсу

Суд Маскоўскага раёна горада Мінска.
Суддзя Мотыль Таццяна Яраславаўна.
Сакратарка судовага пасяджэння – памочніца суддзі Кракасевіч М. А.
Адвакатка адсутнічае (яе не апавясцілі аб пасяджэнні а 15: 00)
Станіслава Гусакова ўдзельнічае ў пасяджэнні праз скайп-сувязь, знаходзіцца ў ізалятары на Акрэсціна.

Пасяджэнне адкрыта.

Апытанне Станіславы (Прозвішча, імя, дата і месца нараджэння, месца пражывання, сямейнае становішча, месца працы).
Заявы і хадайніцтвы.
Станіслава просіць даць учорашняга адваката.
Суддзя: Адвакат не выходзіць на сувязь.
Суддзя прапанавала бясплатнага адваката.
Станіслава адмовілася.
Пасяджэнне працягнулася.
Суддзя: Пратакол вяртаўся, ці азнаёмілі вас з новым?
Станіслава: Так.
Пратакол аб размяшчэнні ў фем-чаце інфармацыі аб маршы 29 жніўня.
Суддзя зачытвае паведамленне з чата.

Што ставяць у віну: Станіслава дапусціла публічныя заклікі да масавых мерапрыемстваў.
Суддзя: Прызнаеце віну?
Станіслава: Не ведала, што мерапрыемства не ўзгодненае.
Суддзя: Вы ўдакладнялі?
Станіслава: Не, я не ўдакладніла, я не ўлічыла, што патрэбен дазвол. Пра мерапрыемства даведалася ў інтэрнэце пра марш.
Суддзя: Ёсць скрыншоты чата, на якіх ёсць тэкст і дата адпраўленага паведамлення.
Пералічваюць дакументы да справы.
Станіслава робіць заўвагу аб тым, што агляд у яе ў кватэры праводзіўся без яе.
Станіслава просіць суд даць ёй штраф, у сувязі з тым, што яна беспрацоўная, але ў яе ёсць зберажэнні.
Суддзя: Стаўленне да зробленага?
Станіслава: Шкадую, што не праверыла інфармацыю.
Суддзя выдаляецца для прыняцця рашэння.
Суддзя вярнулася і пачынае зачытваць пастанову.
Суддзя пачала зачытваць пастанову за ўчорашні дзень, выбачылася і пачала чытаць пастанову за 9 верасня.
Суд прымае рашэнне аб адміністрацыйным арышце на 11 сутак.

Пасяджэнне закрыта.

Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову?
Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову? Як судзілі Станіславу Гусакову?