Пераслед актыўнага студэнцтва

Раніцай 12 лістапада адбыліся ператрусы ў сямі актывістаў і актывістак “Задзіночання Беларускіх Студэнтаў”, сярод якіх сяброўка Каардынацыйнай Рады, прадстаўніца Святланы Ціханоўскай у справах моладзі і студэнтаў Алана Гебрамарыям, а таксама прэс-сакратарка ЗБС Ксенія Сырамалот, Ягор Канеўкі, Студэнткі БДПУ Кася Будзько і Яна Арабейка. Таксама з ператрусам прыйшлі на офіс ЗБС.

Задзіночанне Беларускіх Студэнтаў — сяброўская арганізацыя “РАДА”, затрыманыя студэнты і студэнткі — нашы добрыя сябры і сяброўкі. ЗБС існуе з 1989 году, ад пачатку свайго існавання арганізацыя прымала актыўны ўдзел у штодзённым жыцці студэнтаў і студэнтак, арганізоўвала кампаніі супраць ідэалагізацыі адукацыі, акцыі пратэсту супраць вывучэння гісторыі камуністычнай партыі ў якасці абавязковага прадмету.

Што адбывалася 12 лістапада і што вядома зараз

Сырамалот Ксенія. Студэнтка 4 курса ФФСН БДУ, прэс-сакратарка Задзіночання Беларускіх Студэнтаў. Да яе ў кватэру прыехалі з ператрусам, потым адвезлі ў КДБ. Там Ксенія заставалася да раніцы, ёй не далі сустрэцца з адвакатам і не сказалі, у якім статусе яна знаходзіцца.

Ксенія Сырамалот

Зараз Ксенія знаходзіцца ў СІЗА КДБ. Яе падазраваная па артыкуле 342 Крымінальнага кодэкса (“Арганізацыя і падрыхтоўка дзеянняў, якія груба парушаюць грамадзкі парадак, або актыўны ўдзел у іх”).

Алана Гебрамарыям. Выпускніца БДМУ, сяброўка асноўнага складу Каардынацыйнай Рады і памочніца Святланы Ціханоўскай па справах моладзі і студэнтаў, чаліня Рады Задзіночання Беларускіх Студэнтаў. Была затрыманая пасля ператрусу ў кватэры.

Алана Гебрамарыям

Алане Гебрэмарыям абралі меру стрымання ў выглядзе заключэння пад варту на два месяцы. Бягучы статус — падазраваная. Праз тыдзень ёй павінны выставіць абвінавачванне, у адваротным выпадку падазраванага павінны вызваліць. На гэты момант яна знаходзіцца ў СІЗА КДБ.

Ягор Канецкі. Студэнт 5 курса біялагічнага факультэта БДУ, актывіст Вольнага прафсаюзу і Задзіночання Беларускіх Студэнтаў. У яго быў праведзены ператрус, канфіскавалі тэхніку. Ягор знаходзіцца ў СІЗА КДБ.

Яна Арабейка. Студэнтка факультэта эстэтычнай адукацыі БДПУ. У пакоі інтэрната быў ператрус, у яе суседкі былі канфіскаваныя тэлефоны. Цяпер Яна ў СІЗА КДБ.

Кася Будзько. Студэнтка факультэта эстэтычнай адукацыі БДПУ. У кватэры, дзе яна жыве з бабуляй, прайшоў ператрус. Зараз Кася таксама ў СІЗА КДБ.

Марыя Каленік. Студэнтка БДАМ. За дзяўчынай ужо некаторы час сачылі, а 12 лістапада, выйшаўшы з дому, яна напісала сястры “мяне выкралі”. Праз некаторы час Марыя ў суправаджэнні 7 сілавікоў вярнулася ў кватэру, дзе прайшоў ператрус. На яе ўвесь час ціснулі і не казалі, у якім яна статусе. Канфіскавалі тэхніку, забралі ў КДБ, куды ні блізкіх, ні адвакатаў не пускалі. Зараз Марыя ў СІЗА КДБ, як і астатнія — праходзіць па артыкуле 342 Крымінальнага кодэкса. Мера стрымання ў выглядзе заключэння пад варту на два месяцы.

Глеб Фіцнэр  Студэнт МДЛУ. Быў затрыманы сілавікамі. 14 лістапада адвакату атрымалася трапіць на допыт, арышт студэнту працягнулі да 19 лістапада (чацвер) — ён застаецца ў СІЗА КДБ.

Анастасія Булыбенка. Экс-студэнтка БНТУ. У яе кватэры таксама прайшоў ператрус, цяпер яна ў СІЗА КДБ.

Вікторыя Гранкоўская. Адлічаная студэнтка БНТУ. 12 лістапада дзяўчына не выходзіла на сувязь, на наступны дзень пацвердзілася, што яна ў СІЗА КДБ. Вікторыя, як і Анастасія Булыбенка, застаецца пад вартай на два месяцы.

Былыя і цяперашнія студэнты і студэнткі, сяброўкі Задзіночання Беларускіх Студэнтаў Ксенія Сырамалот, Алана Гебрэмарыям, Ягор Канецкі, Яня Арабейка і Кася Будзько прызнаныя палітычнымі зняволенымі.

Мы абураныя гэтымі падзеямі і расцэньваем іх як мэтанакіраваны пераслед актыўнага студэнцтва. Па спасылцы вы можаце знайсці Заяву Задзіночання Беларускіх Студэнтаў.

Жыве ЗБС!

Пераслед актыўнага студэнцтва Пераслед актыўнага студэнцтва Пераслед актыўнага студэнцтва Пераслед актыўнага студэнцтва Пераслед актыўнага студэнцтва Пераслед актыўнага студэнцтва
Пераслед актыўнага студэнцтва Пераслед актыўнага студэнцтва Пераслед актыўнага студэнцтва Пераслед актыўнага студэнцтва Пераслед актыўнага студэнцтва Пераслед актыўнага студэнцтва Пераслед актыўнага студэнцтва Пераслед актыўнага студэнцтва Пераслед актыўнага студэнцтва Пераслед актыўнага студэнцтва Пераслед актыўнага студэнцтва Пераслед актыўнага студэнцтва Пераслед актыўнага студэнцтва Пераслед актыўнага студэнцтва Пераслед актыўнага студэнцтва Пераслед актыўнага студэнцтва Пераслед актыўнага студэнцтва Пераслед актыўнага студэнцтва Пераслед актыўнага студэнцтва