Далучайцеся да Reflect to Connect 2.0!
Запрашаем маладых людзей з Беларусі і Германіі далучыцца да міждысцыплінарнага трэнінгу Reflect to Connect 2.0, які адбудзецца 20–26 траўня ў Італіі! Праграма трэнінгу спалучае натхняльную адукацыйную сустрэчу ў Італіі з практычнай фазай мікрапраектаў, дзе ўдзельнікі_цы змогуць ператварыць свае ідэі ў канкрэтныя грамадзянскія актыўнасці.
Пра праект
Reflect to Connect даследуе, як супраціў і ўстойлівыя супольнасці могуць спрыяць абнаўленню дэмакратыі і спалучае гісторыю, мастацтва і грамадзянскія дзеянні. Праграма закранае такія выклікі, як паступовае забыццё досведу аўтарытарызму і змяншэнне грамадзянскай актыўнасці моладзі ў Германіі, а таксама падтрымлівае дэмакратычныя каштоўнасці і грамадзянскі ўдзел ва ўмовах аўтарытарнага рэжыму ў Беларусі.
Удзельнікі_цы будуць спалучаць гістарычную рэфлексію з сучаснай грамадзянскай актыўнасцю, распрацуюць мікрапраекты, накіраваныя на ўмацаванне салідарнасці, падтрымку правоў чалавека і ўстойлівасці супольнасцяў.
Трэнінг адбудзецца ў Італіі (дакладнае месца будзе абвешчана пазней) і створыць натхняльную прастору для разваг пра тое, як досвед супраціву ў мінулым суадносіцца з сучаснымі выклікамі для дэмакратыі.
Праграма прызначаная для спецыялістаў_к, якія працуюць у сферы грамадзянскай адукацыі, сацыяльнага мастацтва або грамадскіх ініцыятыў і хочуць ператварыць рэфлексію ў канкрэтныя дзеянні.
Падыход і мэты праграмы
Адукацыйны падыход Reflect to Connect спалучае гістарычную, мастацкую і палітычную адукацыю, каб даследаваць традыцыі супраціву і адначасова развіваць навыкі, неабходныя для ўмацавання ўстойлівых супольнасцяў сёння. Асноўная частка трэнінгу пройдзе ў фармаце BarCamp у Італіі — у асяроддзі, звязаным з гісторыяй рухаў супраціву ў гэтай краіне. Падчас сустрэчы будуць выкарыстоўвацца метады ўзаемнага навучання, групавой фасілітацыі і мастацкіх майстэрняў, каб разам распрацоўваць ідэі мікрапраектаў.
Паміж этапамі трэнінгу ўдзельнікі_цы будуць працаваць над рэалізацыяй мікрапраектаў. Іх будуць падтрымліваць анлайн-кансультацыі па метадалогіі, развіццю навыкаў распрацоўкі праектаў, лідарства. Праграма заахвочвае перанос сумеснага навучання ў практычныя дзеянні — у мясцовых або транснацыянальных кантэкстах з удзелам маладых людзей з Германіі і Беларусі. Працэс будзе суправаджацца ментарскай падтрымкай, а напрыканцы адбудзецца агульная ацэнка вынікаў навучання і сацыяльнага ўплыву рэалізаваных ініцыятыў.
Хто можа падаваць заяўку?
Мы шукаем маладых людзей (узрост 20–27 гадоў), якія паходзяць з Беларусі ці пражываюць у Беларусі і Германіі, і якія:
- маюць вопыт у мастацтве, актывізме, адукацыі або арганізацыі супольнасцяў і працуюць у сферах грамадзянскай адукацыі, вывучэння гісторыі, сацыяльнага мастацтва або мясцовай грамадзянскай актыўнасці.
- занятыя ўмацаваннем дэмакратычных каштоўнасцяў, устойлівасці і салідарнасці ў сваіх супольнасцях, у тым ліку тыя, хто супрацоўнічае з грамадскімі ініцыятывамі ў Германіі і Беларусі.
- матываваныя распрацаваць мікрапраект пасля трэнінгу.
Трэнінг пройдзе на англійскай мове, добры ўзровень валодання англійскай мовай – абавязковы.
Асноўныя даты:
- Перыяд падачы заявак: 1–20 сакавіка 2026 г.
- Апавяшчэнне аб прыняцці: да 24 сакавіка 2026 г.
- Падрыхтоўчыя сустрэчы ў анлайн фармаце: 20 красавіка і 11 траўня 2026 г.
- Трэнінг у Італіі: 20–26 траўня 2026 г.
- Рэалізацыя мікрапраектаў: 27 траўня – 31 кастрычніка 2026 г.
- Анлайн-сустрэча пасля трэнінгу: 2 лістапада 2026 г.
Практычная інфармацыя
- Выдаткі на пераезд будуць пакрытыя ў межах усталяванага бюджэту, з улікам найбольш даступнага варыянту (цягнік 2 класа, пералёт эканом-класам).
- Размяшчэнне, харчаванне і ўдзел у актыўнасцях: удзельнікі_цы і каманда будуць размешчаныя ў трохмесных нумарах у Італіі. Харчаванне будзе забяспечана (сняданак, абед, вячэра і кава-перапынкі).
- Удзел бясплатны – усе выдаткі на пражыванне, харчаванне і актыўнасці пакрываюцца праграмай.
- Для перамяшчэння ў Італіі будзе арганізаваны транспарт.
Як падаць заяўку?
Запоўніць заяўку да 20 сакавіка 2026 г.
СПАСЫЛКА НА ФОРМУ
Ёсць пытанні? Калі ласка, пішыце на [email protected].
Мы з нецярпеннем чакаем вашых заявак!
Пры падтрымцы: Foundation Remembrance, Responsibility and Future (EVZ)
