Імплементацыя Дарожнай карты рэфармавання вышэйшай адукацыі

Грамадскі Балонскі камітэт і Ad hoc камісія Беларускай нацыянальнай платформы ФГС УП падрыхтавалі справаздачу імплементацыі Дарожнай карты рэфармавання вышэйшай адукацыі, які ахоплівае перыяд з кастрычніка 2016 па студзень 2017 года.

З поўным тэкстам справаздачы можна азнаёміцца тут.

Аўтары справаздачы адзначаюць існаванне рызыкі, што Дарожная карта рэфармавання вышэйшай адукацыі Беларусі не будзе выканана ў рамачныя тэрміны ў тым аб’ёме, які быў прадугледжаны першапачаткова.

У 2017 годзе ў заканадаўстве павінны быць замацаваныя ўсе абавязкі, якія беларускія ўлады ўзялі на сябе ў Ерэване ў 2015 годзе. Аднак улады пастаянна адкладаюць прадстаўленне праекта заканадаўчых зменаў у Кодэкс аб адукацыі і яго перадачу ў Нацыяльны сход. Прапановы Міністэрства адукацыі па зменах заканадаўства ў адпаведнасці з Дарожнай картай не даступныя для грамадскасці і не абмяркоўваюцца публічна.

У справаздачы таксама прадстаўленыя рэкамендацыі еўрапейскім і беларускім стэйкхолдэрам працэса:

• настойваць на адкрытым грамадскім абмеркаванні зменаў і дадаткаў у Кодэкс аб адукацыі, а таксама іншыя заканадаўчыя акты;
• арганізаваць публічную міжнародкую экспертызу адпаведнасці зменаў, падрыхтаваных урадам, і патрабаванням Дарожнай карты;
• аказаць экспертную дапамогу беларускаму боку ў імплементацыі патрабаванняў Дарожнай карты ў нацыянальнае заканадаўства.