Наша дзейнасць
Адукацыйныя праграмы і праекты
Акадэмія Першых
“Акадэмія Першых” – адна з візітовак “РАДА”. Адукацыйны курс рэалізоўваецца больш за 8 год! Праз яго прайшлі сотні актывістаў і актывістак, якія даведаліся пра этапы планавання і рэалізацыі праектаў, навучыліся фармуляваць мэты і фармаваць каманду, пазнаёміліся з моладзевай палітыкай Беларусі і Еўропы, даведаліся больш пра дэмакратычныя прынцыпы і правы чалавека.
Мэта “Акадэміі Першых” – падрыхтоўка моладзевых актывістаў і актывістак для больш эфэктыўнай пабудовы інстытутаў грамадзянскай супольнасці і кіравання іх дзейнасцю.
Пасля таго, як пачалася пандэмія COVID-19, мы перафарматавалі праграму пад запыты арганізацый і ініцыятыў грамадзянскай супольнасці і запусцілі “Акадэмія першых. Антыкрызіс”. Падчас курса ўдзельнікі_цы навучыліся вызначаць асабісты псіхалагічны стан, дведаліся, як паклапаціцца пра сябе, што рабіць у сваіх арганізацыях у крызісныі перыяд.
У 2023 годзе мы запусцілі праграму “Акадэмія першых”, якая складаецца з пяці курсаў:
- Праца ў камандзе
- Прасоўванне сваёй дзейнасці
- Праектны мэнеджмент у крызіс
- Як зрабіць сваю дзейнасць інклюзіўнай
- Дзе шукаць фінансаванне на дзейнасць
Падпішыцеся на рассылку з адукацыйнымі магчымасцямі і навінамі ад Беларускага нацыянальнага моладзевага савета “РАДА”
З веданнем справы 2.0
Курс пра тое, як быць эфектыўн_ай трэнер_кай і ствараць якасныя навучальныя мерапрыемствы самых розных фарматаў.
Удзельнікі_цы даведаюцца, што трэба ўлічваць пры распрацоўцы адукацыйных праграм і якія кампетэнцыі абавязковыя для трэнера_к нефармальнай адукацыі.
Эксперткі распавядуць, як працуе навучанне праз асабісты досвед і як дапамагчы людзям вучыцца эфектыўней. Удзельнікі_цы будут трэніравацца ў пастаноўцы мэтаў і задач трэнінгаў, а таксама паспрабуюць распрацаваць сваю ўласную адукацыйную праграму.
RADAvisual
RADAvisual — школа візуальнага мастацтва для моладзевых актывістаў і актывістак, прадстаўнікоў і прадстаўніц грамадскіх арганізацый і ініцыятыў.
Мэта школы — падвысіць візуальныя кампетэнцыі ў актывістаў і актывістак, каб візуал дапамагаў і падкрэсліваў вашы мэты і каштоўнасці.
Дызайн і візуал — гэта важны складнік любой дзейнасці, уключаючы дзейнасць актывістаў і актывістак. Добры дызайн і прывабная візуалізацыя могуць дапамагчы зрабіць вашу працу больш эфектыўнай і паспяховай, прыцягнуць больш увагі да вашых ідэй і прыцягнуць больш людзей да вашых ініцыятыў.
У час, калі людзі атрымліваюць велізарную колькасць інфармацыі кожны дзень, важна ўмець выдзяляцца з натоўпу і прыцягваць увагу да сваёй працы. Добры дызайн і візуалізацыя могуць дапамагчы зрабіць вашу інфармацыю больш прывабнай і запамінальнай для тых, хто яе атрымлівае.
У дапамогу вам канспекты курсу RADAvisual!
RADAblogging
RADAblogging — адукацыйны курс для моладзевых актывістаў і актывістак, прадстаўнікоў і прадстаўніц грамадскіх арганізацый і ініцыятыў, якія жадаюць развіваць асабістыя блогі.
Вядзенне блога — гэта інструмент для тых, хто хоча эфектыўна камуніцыраваць са сваёй аўдыторыяй і павысіць узровень дасведчанасці аб важных сацыяльных і палітычных пытаннях.
Вось некалькі прычын, чаму вядзенне блога можа быць карысным для актывістаў і актывістак:
1. Прыцягненне ўвагі да сваіх ідэй. Блог можа быць месцам, дзе вы выказваеце свае погляды і меркаванні, а таксама дзеліцеся навінамі і падзеямі. Гэта можа прыцягнуць увагу людзей, якія падзяляюць вышыя ідэі ці зацікаўленыя ў іх.
2. Стварэнне супольнасці. Блог можа стаць месцам, дзе вы можаце размаўляць і ўзаемадзейнічаць з іншымі людзьмі, якія падзяляюць тыя ж погляды (ці не падзяляюць, так таксама можа быць).
3. Пашырэнне ўплыву. Блог можа дапамагчы вам пашырыць свой уплыў на грамадскае меркаванне.
У дапамогу вам канспекты курсу RADAblogging!
YOUTHINK
Навучальная праграма для лідараў_ак моладзевых арганізацый і ініцыятыў па авалоданні практыкамі і кампетэнцыямі будучыні ад Беларускага нацыянальнага моладзевага савета “РАДА” і Задзіночання беларускіх студэнтаў.
Удзельнікі_цы на тэарэтыяных і практычных занятках даведаліся больш пра асабісты брэнд, тайм-мэнэджмент, камунікацыю ў камандзе і з мэтавай аўдыторыяй, крэатыўнае мысленне і генерыраванне ідэй.
Запісы тэарэтычных заняткаў дасяжныя на нашым Youtube-канале.
Актывуйся
Актывуйся – гэта курс па адвакатыўных кампаніях для прадстаўнікоў_ніц уразлівых груп.
На курсе мы вы вывучаем розныя адвакатыўныя практыкі (петыцыі, інфармацыйныя кампаніі і г.д.), існуючыя прыклады іх выкарыстання, і пішам стратэгію сваёй адвакатыўнай кампаніі.
Стажыроўкі
Разам з Беларускім домам правоў чалавека імя Барыса Звозскага мы арганізоўваем стажыроўкі для беларускіх актывістаў_ак.
Стажыроўкі накіраваныя на вывучэнне паспяховых практык замежных арганізацый і пераасэнсаванне беларускімі актывістамі_камі сваёй дзейнасці.
У якасці прымаючай арганізацыі разглядаюцца замежныя арганізацыі грамадзянскай супольнасці, якія дзейнічаюць у той жа сферы, што і ваша арганізацыя, і беларускія перамешчаныя/часткова перамешчаныя арганізацыі.
Адвакацыя
Моладзевая палітыка
У 2019 падчас RADA Forum мы разам з прадстаўнікамі_цамі арганізацый грамадзянскай супольнасці падрыхтаваі сумесныя рэкамендацыі да дакумента “Канцэпцыя стратэгіі моладзевай палітыкі да 2030 года”. Сюрпрыз-сюрпрыз, нашыя рэкамендацыі не ўнеслі ў выніковы дакумент Стратэгіі. Але! Праца над рэкамендацыямі добры прыклад таго, як грамадзянская супольнасць разам працуе над прасоўваннем і адвакацыяй правоў моладзі.
У відэа ніжэй вы даведаецеся, навошта патрэбная моладзевая палітыка і што адбываецца цяпер у моладзевай палітыцы Беларусі.
Валанцёрская дзейнасць
Валанцёрскі рух Беларусі развіваўся без умяшання дзяржавы і стаў асновай дзейнасці арганізацый грамадзянскай супольнасці і важнай часткай сацыяльных працэсаў у сучаснай Беларусі, асабліва ў 2020-2022 гг.
У якасці адказу на ўзрослую ролю валанцёрства ў грамадстве рэжым Лукашэнкі спрабуе стварыць заканадаўчыя падставы для кантролю гэтай сферы, у тым ліку праз «Закон аб валанцёрстве», які распрацоўваецца.
Міжнародная дзейнасць
За апошнія гады “РАДА” ініцыюе прыняцце важных дакументаў для беларускай моладзі на еўрапейскім узроўні – у межах Еўрапейскага моладзевага форума.
У2019 годзе “РАДА” была аўтарам Рэзалюцыі “Барацьба са звужваючайся прасторай з пашырэннем магчымасцей моладзевых арганізацый, нацыянальных моладзевых саветаў і міжнародных няўрадавых моладзевых арганізацый“.У 2020 годзе “РАДА” ініцыявала прыняцце новага дакумента — “Рэзалюцыя аб адмене смяротнага пакарання ў Беларусі”, якая была прынята аднагалосна.
Таксама ў 2020 годзе ў рамках Еўрапейскага моладзевага форума “РАДА” ўзнагародзілі прэміяй Youth Rights Award – за нашу працу ў сферы правоў моладзі.
У 2022 годзе каманда “РАДА” распрацавала новую рэзалюцыю “Аб недыскрымінацыі маладых беларускіх актывістаў_ак і падтрымцы дэмакратычных прынцыпаў у Еўропе”. Гэты дакумент стаў адным з адказаў на выклікі, з якімі сутыкаліся маладыя беларусы_кі пасля пачатку поўнамаштабнага ўварвання Расіі ва Ўкраіну.
Рэзалюцыя ўтрымлівае ў сабе асноўныя патрабаванні недыскрымінацыі беларусаў_ак за мяжой, а таксама накіравана на ажыццяўленне дадатковай падтрымкі маладым людзям, якія вымушана знаходзяцца не ў Беларусі па палітычных прычынах.
Спіс маладых палітвязняў і палітвязніц
Амаль палавіна з усіх палітзняволеных у Беларусі – моладзь.
Палітвязні і палітвязніцы, у тым ліку маладыя людзі, сутыкаюцца з жорсткімі ўмовамі ўтрымання ў турмах, а таксама з парушэннем іх правоў і свабодаў. Яны падвяргаюцца катаванням, ізаляцыі, адмове ў доступе да медыцынскай дапамогі і адвакату, а таксама да іншай дапамогі звонку. Пры стварэнні спіса мы абапіраліся на дадзеныя Праваабарончага цэнтра «Вясна».
Зборнік Беларусь.Моладзь.Жыве
Зборнік Беларусь.Моладзь.Жыве — наша спроба даведацца, як сябе адчувае беларускі незалежны моладзевы сектар пасля ўсіх крызісаў, перажытых з 2020 года. Якое становішча спраў у самых важных і прыкметных сферах, дзе ёсць нашы актывісты_кі і сяброўскія арганізацыі, у якіх мы ўпэўненыя. Гэта жаданне паглядзець на сябе, каб зразумець, у якім пункце і ў якім стане мы знаходзімся на шляху да свабоднай Беларусі.
Даследаванні
Ха-ха, я тут жыву. Аналіз становішча беларускай моладзі 2019-2022
Сёння мы маем ўсё менш і менш сродкаў для адэкватнай ацэнкі праблем і запытаў розных сацыяльных груп у Беларусі. Статыстычныя дадзеныя робяцца закрытымі, сацыялагічныя апытанні забароненыя, разгортванне рэпрэсіўных практык у краіне прывяло да рэзкага скарачэння сферы публічнасці. Таму даследаванні і апытанні, якія арганізоўвае грамадзянская супольнасць, велькі карысны і патрэбны для нашай агульнай дзейнасці.
Асноўнай мэтай даследавання “Ха-ха, я тут жыву” было выявіць інтарэсы, праблемы і магчымасці моладзі ў Беларусі.
У 2019 годзе Культурны цэнтр “КОРПУС”, Беларускі нацыянальны моладзевы савет “РАДА” і Цэнтр прававой трансфармацыі Lawtrend правялі даследаванне “Гісторыя, умовы і практыкі развіцця валанцёрскай дзейнасці: перспектывы для Беларусі”. Чытаць па спасылцы.
RADA FORUM
«RADA FORUM» — двухдзённая канферэнцыя па пытаннях моладзі, моладзевай палітыкі, моладзевых арганізацый і ініцыятыў у Беларусi.
Мерапрыемства збірае прадстаўнікоў і прадстаўніц моладзевых арганізацый, акадэмічнай супольнасці і міжнародных інстытутаў.
Удзельнікі і ўдзельніцы форуму абмяркоўваюць аспекты працы ў моладзевых арганізацыях і іх узровень уплыву на моладзевую палітыку, асноўныя выклікі і тэндэнцыi, якія існуюць у моладзевым сектары. RADA FORUM – гэта пляцоўка для новых знаёмстваў і ўсталявання будучага партнёрства ў моладзевым сектары.
RADA MARKET
“RADA MARKET” – гэта пляцоўка абмену ідэямі, рэчамі, ведамі і натхненнем. Мерапрыемства носіць дабрачынны характар і аб’ядноўвае ў сабе Free market (пляцоўку для бясплатнага абмену рэчамі і паслугамі), Youth Fair (пляцоўку моладзевых арганізацый і ініцыятыў), а таксама лекцыі, варкшопы, кінапаказы.
Валанцёрскі фэст
Яго мэта – папулярызацыя моладзевага ўдзелу ў дзейнасці некамерцыйных арганізацый і ініцятыў, стварэнне пазітыўнага іміджу пра валанцёрскую дзейнасць сярод маладых людзей. На працягу дня маладыя людзі наведваюць арганізацыі і ініцыятывы, знаёмяцца з іх дзейнасцю, дапамагаюць у падрыхтоўцы мерапрыемстваў. За гэты час удзельнікі і ўдзельніцы могуць не толькі даведацца пра існуючыя моладзевыя арганізацыі і ініцыятывы, але і пазнаёміцца бліжэй з іх дзейнасцю, абмеркаваць далейшыя шляхі супрацоўніцтва.
RADA AWARDS
Нацыянальная моладзевая прэмія RADA AWARDS – гэта сімвал прызнання і падзякі маладым людзям Беларусі за іх каштоўны ўнёсак у стварэнне будучага, у якім беларусы жывуць свабодна і годна!
Прэмія была заснаваная Беларускім нацыянальным моладзевым саветам “РАДА” у 2016 годзе і ўручаецца выбітным маладым актывістам і актывісткам, арганізацыям і ініцыятывам. Лаўрэатаў абіраюць розныя арганізацыі грамадзянскай супольнасці, якія з’яўляюцца экспертамі і прафесіяналамі ў сваёй галіне. З 2020 года прэмія не праводзіцца.