Галасуй за праекты конкурса Social Weekend!
Сацыяльныя праекты Адзінаццатага конкурса Social Weekend працягваюць збіраць народныя галасы. Да 16.00 16 сакавіка на сайце Конкурса можна азнаёміцца з усімі ідэямі і прагаласаваць (даслаць SMS з нумарам праекта на 7755) за самыя, на вашую думку, вартыя. Распавядзем пра некаторыя з іх і мы.
Фестываль дакументальнага кіно аб правах чалавека WATCH DOCS BELARUS не толькі паказвае стужкі, але (і перадусім) стварае прастору для абмеркавання найбольш актуальных праблем у галіне правоў чалавека. У Беларусі Фестываль прайшоў ужо тройчы намаганнямі аднадумцаў-арганізатараў і дзясяткаў валанцёраў.
Нумар праекта ў конкурсе: 2072
Грамадскае аб’яднанне «Геном», якое працуе з дзецьмі і дарослымі з рэдкімі нейрамускульнымі захворваннямі, высунуў ідэю стварэння аўтапарка і сістэмы пракату спецыяльных ровараў і скутараў, якімі людзі з інваліднасцю змогуць кіраваць самастойна. А адпаведна катацца ў парку разам са сваякамі і сябрамі без сегрэгацыі і сепарацыі.
Нумар праекта ў конкурсе SW: 2096
У межах пректа ўжо адбываюцца бясплатныя сустрэчы, на якіх цікавыя людзі распавядаюць пра свае прафесіі. У планах каардынатараў і каардынатарак стварэнне нефармальнай інфармацыйнай онлайн і офлайн платформы па пытаннях выбару прафесіі і, такім чынам, вырашыць праблему адсутнасці якаснай сістэмы прафесійнай арыентацыі ў сферы беларускай фармальнай адукацыі.
Нумар праекта ў конкурсе SW: 2102
Каманда праекта прапануе праводзіць у гарадах і мястэчках Беларусі валанцёрскія летнікі і, такім чынам, развіваць мясцовыя супольнасці і падтрымліваць ініцыятыўных і актыўных жыхароў рэгіёнаў. Падчас такога летніка ў горад будуць з’язджацца 25 валанцёраў з Беларусі і 5 з-за мяжы.
Нумар праекта ў конкурсе SW: 2104
Аўтары і аўтаркі прапануюць асветніцкі праект у галіне тэорыі сэксуальнасці, біялагічнага полу і гендару. Сустрэчы і майстар-класы, накіраваныя на барацьбу з неталерантнасцю грамадства да ЛГБТК+ і да любых праяў такога тыпу сэксуальнасці, будуць праходзіць па ўсёй краіне.
Нумар праекта ў конкурсе SW: 2157
