“Акадэмія першых [перазагрузка]” пачалася!

29-30 верасня 2018 года прайшоў першы арганізацыйны трэнінг у межах праграмы па павышэнню патэнцыялу моладзевых арганізацый  “Акадэмія першых [перазагрузка]”. Да ўдзелу былі запрошаны 11 моладзевых арганізацый і ініцыятыў, якія будуць навучацца на праграме цягам наступнага года.

На сустрэчы ўдзельнікі і ўдзельніцы пашырылі сваё ўяўленне пра трэнды і каштоўнасці сучаснай моладзі, даведаліся больш пра тое, на чым грунтуецца моладзевая праца і як яна звязана з моладзевай палітыкай.

Важнай часткай сустрэчы стала праца над выяўленнем патрэб арганізацый і ініцыятыў, а таксама знаёмства з ментарамі і ментаркамі праграмы ды планаванне першых крокаў.

Цяпер удзельнікі і ўдзельніцы пачынаюць індывідуальна працаваць са сваімі ментарамі і ментаркамі над вырашэннем праблем і развіццём у сваіх арганізацыях і ініцыятывах.