Школа «Студэнцкай думкі»

Школа Студэнцкай думкі – магчымасць навучыцца пісаць тэксты з нуля з камандай незалежнага студэнцкага медыя!

Што будзе на Школе?

• Напісанне журналісцкіх тэкстаў.
  Раскажуць, як пісаць тэкст, з чаго пачынаць, распавядуць пра частыя памылкі і дадуць парады.
• Сустрэчы з журналісткамі і журналістамі.
  Жыццёвыя размовы з журналістамі і журналісткамі пад гарбату пра іх працу, дасягненні і правалы, асабістае жыццё акрамя працы.
• Журналісцкая этыка.
  Адзін з асноўных складнікаў вашай рэпутацыі. Вы пагутарыце пра базавыя правілы, фактчэкінг і хэйтспіч у часы постпраўды.
• Правы чалавека і хэйт спіч.
  Як пісаць, каб нікога не пакрыўдзіць? І ці трэба ўвогуле падбіраць словы ў сваім тэксце? Разбярэцеся разам з экспертамі і эксперткамі!
• Візіты ў рэдакцыі беларускіх медыя.
  Вы атрымаеце магчымасць знутры паглядзець, як працуюць рэдакцыі, пабачыць унутраную кухню і асабіста пазнаёміцца з журналістамі і журналісткамі!
• Праца з фота і відэа.
  Навучыцеся здымаць і мантаваць відэа, фатаграфаваць і апрацоўваць здымкі, даведаецеся значэнне слова “ракурс” і “вытрымка”.

Бясплатнае навучанне будзе праходзіць 1-2 разы на тыдзень з кастрычніка па снежань.

Дэдлайн падачы заяўкі – 30 верасня ўключна.