Культурна-асветніцкая ўстанова “Грунт” і праект reBrest шукаюць партнёраў для далейшых супольных AR праектаў!

Хочаце AR помнік у вашым горадзе? Гэта магчыма!
Культурна-асветніцкая ўстанова “Грунт” скончыла працу над тэхнічнай часткай, якая дазваляе:
- візуалізаваць маштабныя мадэлі на любой плоскасці;паказваць мадэлі ў поўны памер з прывязкай да іх рэальнай лакацыі;рабіць фота і відэа запіс;уключаць у паказ аўдыё гід ці тэкставае апісанне;выбіраць і знаходзіць помнікі па геанавігацыі.
Зараз каманда праекта прапануе даследчыкам, краязнаўцам і НДА з іншых гарадоў працаваць над зместам, актуальным для іншых мясцінаў Беларусі.Каманда гатовая дапамагчы з тэхнічным рашэннем тым, хто працуе:
- над праблемамі захавання архітэктурнай спадчыны;мемарыялізацыяй культурных і гістарычных аб’ектаў, у тым ліку нематэрыяльных;з сучасным ці традыцыйным беларускім мастацтвам.
Калі вы ведаеце, як з дапамогай дапоўненай рэчаіснасці можна прыцягнуць увагу ці вырашыць праблему вашай супольнасці – запрашаем да партнёства з reBrest.Калі вас зацікавіла прапанова – запоўніце анкету і з вамі звяжуцца!