Audio.Doc

«Іншыя гісторыі» – гэта адукацыйны курс ад 34mag.net па стварэнні дакументальных аўдыяпадкастаў для беларускіх журналістаў і незалежных медыяў. Кожны ўдзельнік у межах курсу зможа стварыць свой асабісты аўдыяльны прадукт (15–40 хвілінаў), які будзе асвятляць нейкую праблему ці гісторыю. Цягам праекту пройдуць дзве адукацыйныя сесіі (17–19 чэрвеня і ў кастрычніку 2016-га) з удзелам экспертаў радыёстанцыяў Стакгольму, паміж сесіямі – арганізаванае ментарскае і прафесійнае суправаджэнне з боку 34mag. Найлепшыя падкасты трапяць у эфір 34radio.

Аўдыядакументалістыка – гэта нон-фікшн радыёжанр, які аб’ядноўвае элементы радыёспектаклю, дакументальнага фільму і рэпартажу. Гэта акустычны перформанс, які раскрывае пэўную тэму сродкамі каментара, пастаноўкі, стварае аўдыяльныя карціны прысутнасці. Жанр папулярны ў Заходняй Еўропе: тэмы, звязаныя з расследаваннем палітычных скандалаў, экалагічнымі бедствамі, адукацыйнымі рэформамі, гістарычныя тэмы – усе яны набіраюць да некалькіх мільёнаў праслухоўванняў. Нам самім цікава паспрабаваць новы фармат, таму мы запускаем гэты праект.

Untitled

Для ўдзелу ў адукацыйным курсе «Іншыя гісторыі» запрашаюцца журналісты, кантрыб’ютары, грамадзянскія актывісты з досведам працы ў беларускіх медыях. Асноўныя крытэрыі – магчымасць наведваць заняткі ў чэрвені ды кастрычніку 2016 г., жаданне распрацаваць і стварыць свой аўдыяпрадукт, журналісцкія здольнасці. Досвед працы з аўдыяфарматам неабавязковы.

Заняткі будуць праходзіць у Менску. Удзел у курсе бясплатны. Падчас семінараў са шведскімі экспертамі будзе зарганізаваны пераклад. Транспартавыя выдаткі ўдзельнікам з іншых гарадоў могуць быць скампенсаваныя. Для ўдзелу ў курсе неабходна запоўніць форму заяўкі. Арганізатары пакідаюць за сабой права адбору ўдзельнікаў.

Апошні дзень для падачы заяўкі – 1 чэрвеня.

Падаць заяўку на курс можна па спасылцы.

Audio.Doc Audio.Doc Audio.Doc Audio.Doc Audio.Doc Audio.Doc Audio.Doc
Audio.Doc Audio.Doc Audio.Doc Audio.Doc Audio.Doc Audio.Doc Audio.Doc Audio.Doc Audio.Doc Audio.Doc Audio.Doc Audio.Doc Audio.Doc Audio.Doc Audio.Doc Audio.Doc Audio.Doc Audio.Doc Audio.Doc Audio.Doc Audio.Doc