Новая дэталь у механізме: непаразуменне і перапалох
Кожны чалавек адзіны і непаўторны. У кожнага ёсць нешта асаблівае, сваё, што не ўбачыш адразу. Але і ў гэтай разнастайнасці ёсць пэўная сістэма , у якую мы, як яе дэталькі, паспяхова ўключаныя. Але, як заведзена светам: разам з сістэмай існуе і тое, што яе разбурае ці змяняе. Пагадзіцеся, што ўсё, што можа нам перашкаджаць ці шкодзіць, лічыцца варожым. Але гэтак не заўсёды. Іншая, новая дэталь у механізме шкодзіць толькі, калі не прыцерлася. Тое самае і ў механізме грамадства: Іншыя людзі выклікаюць непаразуменне і перапалох толькі тады, калі мы іх не ведаем.
Большасць ведаў можна атрымаць з кніг. Але ізноў: усе людзі розныя, пра ўсіх кніжак не напішаш. І нават, калі паспрабаваць – не атрымаецца! Але веды пра такіх людзей атрымаць усе ж магчыма. І як не дзіўна з кніг! Але не звычайных – Жывых! Менавіта для таго, каб пазнаёміцца і парушыць пэўныя стэрэатыпы Іншыя людзі і сталі кнігамі! Кнігамі ў эксклюзіўнай вокладцы і ўнікальным матэрыялам у сабе: са сваімі гісторыямі, прыгодамі і выпадкамі.
Кнігу вы можаце выбраць самастойна ў нашай Жывой Бібліятэке. Працуе яна, амаль як звычайная: вы прыходзіце, атрымліваеце картку чытача, запісвайцеся да “кнігі”, якую б хацелі прачытаць, і пачынаеце чытанне. Даведацца больш можна на сайце супольнасці http://humanlibrary.by/.
Падаецца, нашаму механізму не патрэбны перабоі? Ну тады давайце знаёміцца!
Калi: 27 траўня
Час: 13.00 – 18.00
Дзе: Сталоўка XYZ, вул. Фабрыцыуса 4
Уваход ВОЛЬНЫ! Але папярэдне неабходна прайсці рэгістрацыю па спасылцы https://goo.gl/9APxK0 да 23.59 25 траўня. Усе зарэгістраваныя чытачы 26 траўня атрымаюць электронную версію поўнага каталога кніг.
Падпісацца на навіны Жывой Бібліятэцы можна ў ВК, FB, Instagram, Telegram, а таксама чытаць у “Журнале” і дзяліцца навінамі з сябрамі!Калі вы хочаце стаць валанцёрам на Жывой бібліятэцы, прапанаваць сваё памяшканне, дапамагчы з пошукам “кніг” ці вы самі “кніга”, пішыце арганізатаркам і арганізатаркам у сацыяльных сетках або на human.library.belarus@gmail.com.
Да сустрэчы на Жывой Бібліятэке!
