Адукацыйны летнік “РАДА” – 2017″ запрашае сяброўскія арганізацыі “РАДА”

Адукацыйны летнік “РАДА” – 2017″ пройдзе за межамі Мінска з 16 па 21 ліпеня.

Галоўная мэта летніка – узмацненне патэнцыялу і ўзаемадзеяння паміж сяброўскімі арганізацыямі БНМС “РАДА” праз правядзенне адукацыйнага летніка.

Задачы:

– спрыяць узаемадзеянню, супрацоўніцтву і кансалідацыі паміж сяброўскімі арганізацыямі БНМС “РАДА”;

– вызначыць асноўныя актуальныя праблемы і выклікі для сяброўскіх арганізацый і “РАДА” у сферы моладзевай палітыкі і сумеснай дзейнасці;

– развіць кампетэнцыі ў сферы працы з моладдзю ў прадстаўнікоў і прадстаўніц сяброўскіх арганізацый, сыходзячы з іх актуальных патрэб;

– падтрымаць сумесную дзейнасць сяброўскіх арганізацый праз прадстаўленне фінансавай падтрымкі для рэалізацыі партнёрскіх моладзевых праектаў і ініцыятыў.

Заяўкі на ўдзел прымаюцца да 1 ліпеня. Нагадваем аб тым, што ўдзельнічаць у летніку можа толькі адзін прадстаўнік ці прадстаўніца ад арганізацыі. Больш дэтальная інфармацыя пра месца, праграму летніка будзе адпраўлена ўдзельнікам і ўдзельніцам пасля 1 ліпеня.