Пра вынікі RADA FORUM 2017
16-17 снежня адбыўся RADA FORUM 2017, мэтай якога было ўзмацненне ўзаемадзеяння і салідарнасці ў моладзевым сектары для ўплыву на прынняцце рашэнняў у інтарэсах моладзі.
Цягам 2-ух дзен маладыя людзі, прадстаўнікі і прадстаўніцы моладзевых НДА, арганізацый, якія працуюць з моладдзю, эксперты і эксперткі, даследчыкі і даследчыцы, прадстаўнікі і прадстаўніцы дзяржаўных арганізацый, медыя і бізнэс размаўлялі пра актуальнае становішча моладзі ў Беларусі, асноўныя выклікі, трэнды і тэндэнцыі і дзяліліся вопытам.
У першы дзень удзельнікі і ўдзельніцы форума:
– Пазнаеміліся з асновамі моладзевай палітыкі і гісторыяй моладзевага руху ў Беларусі
– Абмеркавалі актуальныя трэнды і сітуацыю ў сектары моладзевых арганізацый
– Пазнаёміліся з практыкамі актыўнага ўдзелу моладзі і ўплыву на прынняцце рашэнняў у інтарэсах маладых людзей
– Даведаліся аб тым, як наладзіць супрацоўніцтва з мясцовымі органамі ўлады і бізнэсам
– Пазнаёміліся і знайшлі ідэі для супрацоўніцтва
– Даведаліся аб тым, як стаць больш бачнымі ў медыя прасторы
У другі, больш стратэгічны дзень, удзельнікі і ўдзельніцы форума вызначылі прыярытэты моладзевага сектара, важныя для моладзевых арганізацый і ініцыятыў, на бліжэйшыя 2 гады.
“РАДА” бярэ на сябе адказнасць працягваць працу з ініцыятыўнымі групамі форума па вызначаных прыярытэтных тэмах.
Цалкам з тэкстам справаздачы RADA FORUM 2017 вы можаце азнаёміцца па спасылцы.
Вялікі дзякуй усім за працу і цудоўныя 2 дні цікавай і змястоўнай моладзевай палітыкі!
