Бліц-стажыроўка для дзяўчат ад ААН у Беларусі

• Вам ад 18 да 24 гадоў?
• Вы думаеце пра сваю будучую кар’еру і хочаце даведацца больш пра працу Амбасадараў, бізнес-лідараў і лідарак, кіраўнікоў і кіраўніц міжнародных арганізацый?
• Хочаце ведаць, як яны праводзяць свой дзень, будуюць планы і прымаюць рашэнні, якія будуць уплываць на іх асабіста, на арганізацыі, якімі яны кіруюць, і на сферу іх дзейнасці?
• Вам цікава было б павучыцца ў іх?

Калі ваш адказ “так”, тады лавіце магчымасць – бліц-стажыроўка ад ААН у Беларусі!

Каб адзначыць Міжнародны Жаночы Дзень, некалькі арганізацый вырашылі даць беларускім дзяўчатам шанец бліц-стажыроўкі (job shadowing ад англ. “job” – праца і “shadow” – цень) і правесці цэлы працоўны дзень з іх кіраўнікамі і кіраўніцамі. Вы станеце “ценем” кіраўніка ці кіраўніцы і зразумееце, чаму іх праца вартая таго, каб яе рабіць, як рабіць яе добра і як вы можаце развіць у сябе лідарскія здольнасці.

Бліц-стажыроўкі пройдуць у сакавіку ці красавіку.
З кожнай з адабраных дзяўчат звяжуцца наўпрост, каб узгадніць падрабязнасці ўдзелу ў ініцыятыве #ЦеньНаДзень.

Каб падаць заяўку, запоўніце анкету па спасылцы.

Дэдлайн да 23:59 панядзелка 25 лютага.