Жывая Бібліятэка шукае валанцёраў і валанцёрак!

“Жывая Бібліятэка” – гэта незвычайная бібліятэка. Тут замест звыклых нам кніг выступаюць жывыя людзі са сваімі гісторыямі, якія гатовы адказваць на любыя пытанні. “Кніга” – гэта жывы чалавек, які мае пэўную ідэнтычнасць, рэдкую прафесію, унікальны досвед, нязвыклы для “большасці” лад жыцця альбо светапогляд.

Хутка набліжаюцца вялікія даты і важныя падзеі. У гэты час Жывой Бібліятэцы будзе вельмі патрэбна ваша дапамога!

• SMM-спецыяліст_ка: весці старонкі ў Facebook, Telegram і/ці Вконтакте. Для гэтага неабходна добра валодаць беларускай мовай (ці разумна карыстацца перакладчыкам), рацыянальна размяркоўваць свой час, паважаць дэдлайны.
• Юрыст_ка: гэта можа быць студэнт_ка ад 3 курса і вышэй, каб дапамагчы разабрацца з паперамі.
• Рэдактар_ка сайта humanlibrary.by: весці сайт, дадаваць навіны, часам рэдагаваць тэксты, пажадана мець досвед працы з WordPress.
• PR-спецыяліст_ка: рабіць розныя паштовыя рассылкі і займацца PR-ам падзей.

Калі вы ўмееце рабіць нешта з гэтага і вам цікава папрацаваць з цудоўнай камандай – далучайцеся!

Неабходна запоўніць анкету па спасылцы да 25 чэрвеня.

Не пазней за 26 чэрвеня з вамі звяжуцца і распавядуць пра тэставае заданне, якое патрэбна будзе выканаць да 30 чэрвеня.

Калі засталіся нейкія пытанні – пішыце на human.library.belarus@gmail.com.