Forum Syd адкрыў прыём заявак па праграме грантавай падтрымкі Беларусі на 2020 год

Forum Syd аб’яўляе пачатак прыёму праектных заявак у рамках праграмы грантавай падтрымкі Беларусі на 2020 год.

Праграма накіравана на ўмацаванне патэнцыялу арганізацый грамадзянскай супольнасці ў Беларусі ў дачыненні да дэмакратыі, правоў чалавека і роўнасці.

Хто можа падаць заяўку на фінансаванне?

Падаць заяўку на фінансаванне могуць арганізацыі і ініцыятывы грамадзянскай супольнасці з Беларусі. Арганізацыі/ініцыятывы павінны быць непалітычнымі, некамерцыйнымі, нерэлігійнымі і працаваць у напрамку дэмакратычнага развіцця, заснаванага на каштоўнасцях роўнасці ўсіх людзей і павагі правоў чалавека. Падаць заяўку могуць як асобныя арганізацыі/ініцыятывы, так і кааліцыі дзвюх ці больш беларускіх арганізацый/ініцыятыў.

Праекты асобных актывіста_к, дзяржаўных або камерцыйных арганізацый не могуць быць падтрыманыя ў рамках гэтай праграмы.

Якія праекты могуць быць падтрыманы?

У сваёй працы Forum Syd выкарыстоўвае падыход Rights Based Approach. Адпаведнасць праекта падыходу будзе цэнтральным крытэрыем для яго зацвярджэння. Праекты павінны быць накіраваны на дасягненне пазітыўных і ўстойлівых змен у грамадстве на мясцовым і/або нацыянальным узроўні. У працэсе адбору Forum Syd будзе кіравацца каштоўнасцямі недыскрымінацыі, гендарнай роўнасці і беражлівых адносін да навакольнага асяроддзя, а таксама наступнымі прыярытэтамі і напрамкамі:

• развіццё грамадзянскай супольнасці ў рэгіёнах Беларусі, праца з мясцовымі ініцыятывамі, актывістамі і актывісткамі ў невялікіх гарадах і/або вёсках;
• супрацоўніцтва арганізацый/ініцыятыў, якія працуюць у розных тэматычных абласцях, узгодненасць і салідарнасць грамадзянскай супольнасці;
• вялікая бачнасць грамадзянскай супольнасці і інфармаванасць грамадскасці аб яго дзейнасці;
• актыўны ўдзел грамадзян, пашырэнне іх правоў і магчымасцей.

Максімальны бюджэт заяўкі і тэрмін рэалізацыі.

Бюджэт да 100 000 еўра. Тэрмін рэалізацыі да 30 месяцаў.

Як падаць заяўку?

Каб падаць заяўку, адпраўце запоўненую форму канцэпцыі праекта (не больш за 2 старонкі фармату А4) і бюджэт на адрас электроннай пошты [email protected] з паметкай «Конкурс праектаў 2020». Канцэпцыя праекта і форма бюджэту могуць быць запоўненыя на англійскай, рускай або беларускай мовах.

Формы дакументаў па спасылцы.

Ідэі праектаў, рэлевантныя для кантэксту Беларусі і прыярытэтаў праграмы, будуць удзельнічаць у першым этапе адбору. Тыя, хто пройдзе першы этап адбору, будуць запрошаныя запоўніць поўную форму заяўкі.

На сённяшні дзень конкурс зʼяўляецца адкрытым (без абмежаванняў па тэрмінах падачы).

Дадатковую інфармацыю аб конкурсе можна знайсці на афіцыйным сайце праграмы.