Моладзевы мэйкатон: ствары праект за два дні
Вы даўно марылі запусціць свой праект або ініцыятыву, але не ведалі, дзе знайсці падтрымку, ідэі або рэсурсы?
Офіс еўрапейскай экспертызы і камунікацый адкрывае набор на Youth Makethon – двухдзённы івэнт, дзе моладзевыя каманды ўстрояць мазгавы штурм, каб пазней увасобіць ідэі ў рэальныя праекты.
Мэйкатон пройдзе 14-15 сакавіка ў Мінску.
Калі вам ад 16 да 28 гадоў, вы марыце запусціць свой праект або ініцыятыву і ў вас ёсць каманда хоць бы з двух чалавек – падавайце заяўку да 6 сакавіка.
Двухдзённы мэйкатон арганізаваны Офісам у рамках праграмы Youth Power – курса для маладых лідэраў і лідэрак. Мэта мерапрыемства – даць магчымасць маладым актыўным людзям магчымасць паспрабаваць свае сілы ў вырашэнні сацыяльных праблем і выклікаў нашага грамадства.
На мэйкатоне можна прыдумаць свежыя ідэі або дапрацаваць тыя, што круцяцца цяпер у галаве. Вы самі вызначаеце тэму, у якой хочаце працаваць: Правы чалавека, недыскрымінацыя, інклюзія, гендар і ідэнтычнасць, асертыўнасць, упэўненасць у сабе, экалогія, адукацыя, выбар прафесіі, здароўе, эмацыйны інтэлект, мастацтва, культура або мова.
Вы зможаце атрымаць экспертныя і ментарскія кансультацыі ад людзей, якія ўжо запусцілі самыя розныя праекты ў Беларусі. І вы дакладна пазнаёміцеся з іншымі актыўнымі маладымі людзьмі з усёй краіны.
Звярніце ўвагу, што заяўкі прымаюцца толькі ад каманд. У камандзе можа быць ад 2 да 6 чалавек. Таму, калі ў вас яшчэ няма каманды, але хочацца нешта зрабіць, гэта падстава знайсці аднадумцаў у сваім асяроддзі.
Вашай камандзе не абавязкова мець канкрэтную ідэю, але важна прадстаўляць тэму, у якой вы хочаце зрабіць сваю ініцыятыву. Важна, каб ідэі былі некамерцыйнымі і прыносілі карысць грамадству.
Падавацца могуць людзі з усёй Беларусі: выдаткі на пражыванне і харчаванне пакрываюць арганізатары.
Пасля форуму ўсім камандам прапануюць запоўніць заяўку на ментарскую падтрымку або запыт на дапамогу рэсурсамі для рэалізацыі ініцыятывы (канцтавары, матэрыялы і т.д.). Будуць падтрыманы ініцыятывы, якія не супярэчаць каштоўнасцям офіса: Правы чалавека і недыскрымінацыя, гендарная роўнасць, інклюзія, экалагічная дружалюбнасць.
Падрабязную праграму мэйкатона можна паглядзець тут.
Калі вам падыходзяць ўмовы і вы гатовыя да сур’ёзнай працы, то запаўняйце форму не пазней за 6 сакавіка і рыхтуйцеся да двухдзённага мазгавога штурму. Пра вынікі адбору арганізатары паведамяць 9 сакавіка.
Каманды з іншагароднімі непаўналетнімі ўдзельнікамі і ўдзельніцамі ў складзе могуць заяўляцца толькі разам з паўналетнімі. А непаўналетнія ўдзельнікі і ўдзельніцы з Мінска павінны будуць атрымаць дазвол ад бацькоў.
Форма запаўняецца адзін раз ад каманды. Пры адборы прыярытэт будзе аддавацца ўдзельнікам і ўдзельніцам з рэгіёнаў.
Па ўсіх пытаннях пішыце на пошту [email protected].
Мерапрыемства праводзіць асветніцкая ўстанова «Офіс еўрапейскай экспертызы і камунікацый» у партнёрстве з Міжнароднай некамерцыйнай арганізацыяй Pact, якая падтрымліваецца Агенцтвам ЗША па міжнароднаму развіццю (USAID).
