Як працаваць у СМІ і рэдакцыі?

Медыя Акадэмія Прэс-клуба Беларусь пачынае набор у «Пясочніцу». Адукацыйны анлайн-курс навучыць азам журналістыкі, дасць практычныя і тэарэтычныя асновы прафесіі, растлумачыць логіку працы СМІ і рэдакцыйных працэсаў.

Для каго курс:

маладыя журналісты і журналісткі, якія толькі пачалі супрацоўнічаць з рэдакцыямі, а таксама прадстаўнікі і прадстаўніцы сферы НДА, якія хацелі б паспрабаваць сябе ў медыя.

Курс уключае:

• штотыднёвыя воркшопы з экспертамі і эксперкамі;
• камунікацыя па тэме модуля на бяспечнай платформе;
• выкананне практычных журналісцкіх заданняў, у тым ліку ад рэальных рэдакцый са зваротнай сувяззю;
• увядзенне ў рэдакцыйны фармат: “ужыванне” ў рэдакцыю, мазгавыя штурмы па топ-тэмах, планаванне рэальных тэм, разбор матэрыялаў СМІ;
• праца з ментарамі і ментаркамі.

Кожны тэматычны модуль будзе суправаджацца практычнай працай пад куратарствам ментараў і ментарак, рэдактараў і рэдактарак медыя. Практычная праца (хатняе заданне) будзе выдавацца пасля кожнага модуля кожны тыдзень. Прыкладны час на выкананне дамашняга задання можа заняць 2-3 гадзіны на тыдзень.

Важныя даты:

• 26 верасня – старт набору ўдзельнікаў і ўдзельніц;
• 7 кастрычніка ўключна – апошні дзень для падачы заяўкі;
• 10 кастрычніка – ліст аб выніках адбору;
• 14 кастрычніка – знаёмства з праграмай курса;
• 17 кастрычніка – першы занятак.

Курс будзе праходзіць па панядзелках з 17:00 да 19:00 (па варшаўскім часе) у фармаце анлайн і складаецца з 10 модуляў.

Расклад заняткаў:

• Модуль 1. 17 кастрычніка – Уводзіны ў журналісцкія стандарты (разбор стандартаў ВВС)
• Модуль 2. 24 кастрычніка – Позва медыя. Як медыя выбіраюць, пра што яны будуць сёння рабіць сюжэт, якія падзеі застануцца без увагі?
• Модуль 3. 31 кастрычніка – Як здабываць інфармацыю, выбіраць крыніцы і працаваць з імі беражліва.
• Модуль 4. 7 лістапада – Лічбавыя інструменты для падрыхтоўкі і пераўпакоўкі журналісцкіх матэрыялаў.
• Модуль 5. 14 лістапада – Як стварыць сваю інтэрактыўную гісторыю з дапамогай простых сэрвісаў Tilda, Interacty, Genial і іншых.
• Модуль 6. 21 лістапада – Як зрабіць падзею навіной.
• Модуль 7. 28 лістапада – Фактчэкінг за пяць хвілін. Як лёгка праверыць інфармацыю і не распаўсюдзіць фэйк.
• Модуль 8. 5 снежня – Сапраўдны рэпартаж. Чаму адны рэпартажы «зацягваюць» чытача, а іншыя — не.
• Модуль 9. 12 снежня – Тэхнікі інтэрв’ю: як угаварыць, разгаварыць і не страціць суразмоўцы.
• Модуль 10. 19 снежня – «Прымусіць» чытача абмяркоўваць і прасоўваць твой матэрыял у сацсетках.

Па заканчэнні курса ўдзельнікам і ўдзельніцам будуць выдадзены дыпломы аб праходжанні курса, пры ўмове наведвання ўсіх модуляў і выкананні практычных работ. Колькасць месцаў абмежавана. Пры адборы журы будзе арыентавацца на матывацыю і далейшае практычнае прымяненне атрыманых ведаў.

Рэгістрацыя на курс

Калі ў вас засталіся пытанні, напішыце на адрас: [email protected].