Планаванне ў арганізацыях і ініцыятывах. Распрацоўка праектаў і праектны мэнэджмент
Беларускі нацыянальны моладзевы савет “РАДА” запускае набор на анлайн-курс пра тое, як у сучасных няпростых умовах планаваць дзейнасць і распрацоўваць праекты. Будзем вывучаць вось такія пытанні:
- Што такое праект, жыццёвы цыкл праекту і якая ягоная логіка дызайну.
- Як пераўтвараць ідэі ў жыццяздольныя праекты, распрацоўваць іх і выкладаць у форме праектных заявак.
- Як планаваць сваю дзейнасць ва ўмовах пастаянных зменаў і крызісаў.
- Якім чынам фармуляваць доўгатэрміновыя мэты дзейнасці і прыярытэты арганізацыі/ініцыятывы.
- Як маніторыць і ацэньваць эфектыўнасць сваёй дзейнасці і рыхтаваць справаздачы праекта.
Фармат курса
Цябе чакае 6 заняткаў з трэнеркай Марынай Корж.
Увага: гэта не лекцыйны курс. Падчас сустрэчаў мы будзем падзяляцца на маленькія групкі, разам рабіць практыкаванні, дыскутаваць. Падавайся, толькі калі ты гатовы_ая карыстацца мікрафонам і актыўна ўключацца ў заняткі. Усе заяўкі праходзяць сур’ёзную верыфікацыю, каб ты мог_магла разлічваць на бяспечную анлайн-прастору, дзе можна выкарыстоўваць камеры і мікрафон, знаёміцца, выказваць свае думкі. Калі ласка, ацані свае магчымасці па часе і высілках, якія ты гатовы_ая ўкласці ў навучанне.
Расклад курса
Заняткі будуць праходзіць штопанядзелак і штосераду ў 18:30 па Менску, пачынаючы з 25 сакавіка. Прыкладны час адной сустрэчы – дзве гадзіны.
25 сакавіка
- Знаёмства, збор чаканняў і патрэбаў удзельнікаў_ц
- Што такое мэнэджмент і з якіх элементаў ён складаецца
- Дыягностыка кампетэнцый і зонаў развіцця групы
27 сакавіка
- Што такое ўзроўні планавання і як яны дапамагаюць наладзіць дзейнасць
- Інструменты для вызначэння місіі, стратэгіі і планаў арганізацыі/ініцыятывы
- Мэты, задачы і вынікі дзейнасці
1 красавіка
- Што такое праект
- Жыццёвы цыкл і логіка дызайну праекта
- Праблемная сітуацыя, на вырашэнне якой накіраваны праект
- Мэтавыя групы, мэта, задачы, вынікі, план дзейнасці, бюджэт праекта
- Устойлівасць і партнёрства ў праектах
- Практыка напісання праектных прапановаў
3 красавіка
- Супраца і камунікацыя з рознымі стэйкхолдэрамі
- Ролевая гульня: перамовы са стэйкхолдэрам
8 красавіка
- Асаблівасці планавання ва ўмовах нявызначанасці і пастаянных зменаў
- Ацэнка рызыкаў
- Планаванне ў крызісных сітуацыях: гульня-сімуляцыя
10 красавіка
- Мэнэджмент, арыентаваны на вынік
- Маніторынг і ацэнка эфектыўнасці дзейнасці
- Падрыхтоўка справаздачаў для партнёраў, донараў, аўдыторыі праекта
- Практычнае заданне “Візіт кансультанта_кі па знешняй ацэнцы дзейнасці ў вашу арганізацыю/ініцыятыву”
- Падсумаванне вынікаў курса
Не забудзься распавесці пра курс тваім калегам_яжанкам і сябрам_оўкам!
Дэдлайн падачы заяўкі – 17 сакавіка ўключна.
Адказ пра ўдзел у курсе мы дашлём 21 сакавіка.
Па ўсіх пытаннях смела пішы на [email protected]
