Адукацыйны курс па вырашэнні канфліктаў!

Запускаем набор на праграму (Ня)згода ў дзеянні! Гэта паўгадавы курс з анлайн- і афлайн-часткамі, на якім будзем разбірацца з асновамі канфлікталогіі, медыяцыі і негвалтоўнай камунікацыі. 

Пра што праграма

Мы задумалі праграму як майстэрню, дзе ўсё навучанне будзе праходзіць праз даследаванне, эксперымент, разбор кейсаў, групавыя дыскусіі, гульню і практыку. Вось з якімі тэмамі будзем працаваць:

• складнікі і этапы канфлікту
• перамовы з фокусам на патрэбы і цікавасці ўсіх бакоў
• стварэнне і ўзмацненне ўзаемаразумення з іншымі
• разуменне сябе і іншых праз высвятленне фактаў, пачуццяў і патрэбаў
• высвятленне сваіх і чужых патрэбаў у канфлікце, стратэгіі задавальнення гэтых патрэбаў
• метады клопату пра сябе як мера для бяспечнага ўключэння ў канфлікт

З чаго складаецца праграма

Цябе чакае тры блока:

• красавік 2024: анлайн-трэнінг (2 дні, сумарна 6 гадзінаў)
• травень 2024: афлайн-трэнінг у Вільні (4 дні)
• жнівень 2024: летняя школа ў Нямеччыне (5 дзён)

На працягу праграмы мы прапануем прыватныя кансультацыі ад нашых трэнераў_к: ментарынг і сесіі эмпатыі. Так ты зможаш атрымаць падтрымку для практыкі працы з канфліктамі. 

У анлайн-частцы мы пазнаёмімся з асновай канфлікталогіі. Гэта дастатковая база для агульнага разумення тэмы – далейшы здзел неабавязковы. Але на афлайн-сустрэчы мы запросім толькі тых, хто наведалі анлайн-заняткі. Без уважлівага праходжання анлайн-трэнінгаў фізічныя сустрэчы не будуць надта карыснымі. Калі ласка, ацані свае магчымасці па часе і высілках, якія ты гатовы_ая ўкласці ў навучанне. 

Першы этап: анлайн-трэнінг

У анлайн-частцы мы пазнаёмімся з базавымі паняткамі канфлікталогіі і фасілітацыі дыялогу. Атрыманыя веды стануць падмуркам для далейшага афлайн-навучання. Мы набіраем дзве працоўныя групы.

Расклад першай працоўнай групы:

• 6 красавіка, 12:00-15:00 па Мінску
• 7 красавіка, 12:00-15:00 па Мінску

Расклад другой працоўнай групы:

• 13 красавіка, 12:00-15:00 па Мінску
• 14 красавіка, 12:00-15:00 па Мінску

Для каго праграма

Праграма будзе найбольш карыснай актывістам_кам і прадстаўнікам_цам грамадскага сектару, фармальным і нефармальным лідарам_кам сваіх супольнасцяў і ініцыятываў. Калі ты хочаш навучыцца працаваць з канфліктам і клапаціцца пра ментальнае здароўе, каб потым выкарыстоўваць гэтыя навыкі у актывізме і працы, – падавайся, гэты курс для цябе!

Мы ўважліва верыфікуем усе заяўкі, каб ты меў_ла магчымасць бяспечна ўдзельнічаць у афлайн-сустрэчах, карыстацца мікрафонам і камерай падчас анлайн-заняткаў.

Прымаем адказы да 19 сакавіка!

Рэгістрацыя

Ёсць пытанні? Пішы на [email protected]

Праект рэалізуецца разам з нашымі партнёрамі djo — Нямецкая моладзь у Еўропе пры падтрымцы Федэральнага офіса замежных справаў Нямеччыны (The Federal Office for Foreign Affairs).

#CivilSocietyCooperation