Намiнуй праект цi iнiцыятыву на RADA AWARDS 2017!

Спяшаемся вас узрадаваць навінай, што ў гэтым годзе мы зноў збіраемся ўзнагароджваць маладых актывістаў і актывістак на ўрачыстай прэміі RADA AWARDS!

Але мы хочам зрабіць гэта трошкі інакш!
Да 1 снежня у вас ёсць унікальная мажлівасць намінаваць любую знакавую і файную моладзевую ініцыятыву ці праект, якія былi створаныя за амаль ужо мінулы 2017 год!
Намінаваць вы можаце як сябе саміх, так і знаёмых ці не вельмі знаёмых вам маладых актывістаў і актывістак!

Галоўнае абраць, да якой намінацыйнай катэгорыі падпадаюць вашыя зоркі:
адукацыйная моладзевая ініцыятыва/праект
моладзевая ініцыятыва/праект у сферы мастацтва
экалагічная моладзевая ініцыятыва/праект
моладзевая ініцыятыва/праект у сферы правоў чалавека
рэгіянальная моладзевая ініцыятыва/праект
моладзевая ініцыятыва/праект у сферы сацыяльнага прадпрымальніцтва.

Пасля гэтага з 1 па 10 снежня спецыяльнае журы, якое будзе складацца з намінантаў-пераможцаў RADA AWARDS 2016, абярэ пераможцаў 2017 года і 17 снежня мы з радасцю адсвяткуем з вамі вынікі актыўнага і не менш моладзевага году!!
Тады Ready-Steady-Go намінаваць самых лепшых і выбітных моладзевых актывістак і актывістаў 2017 года па спасылцы да 1 снежня!