РАДА шукае спецыялiста_ку па камунiкацыi

БНМС “РАДА” адкрывае конкурс на вакансію камунікацыйнага сакратара ці сакратаркі, іншымі словамі спецыяліст_кі па сувязях з грамадскасцю.

Шукаем:

• Чалавека, які лёгка і галоўнае хутка піша цудоўныя і змястоўныя тэксты, пасты, артыкулы.
• Чалавека, які настолькі любіць мову і педантычнасць, што можа ўбачыць самую незаўважную памылку ў тэксце.
• Чалавека, які захапляецца і ведае што, калі і як посціць у facebook, vk, instagram і іншыя модныя каналы інтарнэту.
• Чалавека, які можа працаваць звыш нормы і пры гэтым захоўваць спакой і добры настрой))
• Чалавека, які хварэе моладзевымі праектамі і якому не ўсё роўна!

Патрабаванні да кандыдатаў і кандыдатак:

• Досвед працы ў сферы сувязяў з грамадскасцю не менш за 2 гады.
• Разуменне і веданне некамерцыйнага сектара з фокусам на моладзевыя арганізацыі/ініцыятывы.
• Валоданне беларускай мовай.
• Не менш за сярэдні ўзровень валодання англійскай мовай.
• Упэненае валоданне асноўнымі кампутарнымі праграмамі (word, google-датасаванні, exel, графічнымі прыладамі і інш.).
• Крэатыўнасць, open mind і пазітыў!
• Магчымасць пачаць працу са студзеня 2018 года.

Абавязкі:

• Штотыднёвая рассылка для сяброўскіх арганізацый РАДА.
• Камунікацыя з сяброўскімі арганізацыямі і партнёрамі.
• Пасты, артыкулы на сайт, у тым ліку ў ангельская версіі, сувязь са СМІ.
• Асвятленне мерапрыемстваў РАДА (прэс-рэлізы і артыкулы пасля заканчэння).
• Вядзенне пратаколаў з усіх працоўных сустрэч.
• Дапамога па патрэбах з лагістыкай.
• Дапамога з рэгістрацыяй і сустрэчай гасцей на ўсіх мерапрыемствах РАДА.
• Дапамога са скрынямі, вядзенне сайта.
• PR і прасоўванне брэнда РАДА сярод партнёраў і стэйкхолдараў.
• Удзел у планаванні, падрыхтоўцы і правядзенні ўсіх івентаў РАДА.

Ад нас:

• Гнуткі графік працы.
• Цудоўная крэатыўная і маладая каманда.
• Магчымасць вандровак, звязаных з працай, не толькі па Беларусі але ў замежжа.
• Цікавыя праекты і 100% магчымасць рэалізаваць нават самую крейзі ідэю.

Дасылайце свае CV з матывацыяй да 15 студзеня на скрыню gensec@rada.fm.

Адабраныя кандыдаты і кандыдаткі будуць запрошаныя на сумоўе.

Памер заробку будзе агучаны па выніках суразмоўя.