Праграма падтрымкі правайдэра_к дадатковай адукацыі

Асацыяцыя дадатковай адукацыі і асветы абвяшчае новы раўнд Праграмы падтрымкі правайдэраў дадатковай адукацыі.

Да ўдзелу запрашаюцца арганізацыі (юрыдычныя асобы) любой формы ўласнасці, асноўны складнік дзейнасці якіх – адукацыя дарослых.

Перавага будзе аддавацца арганізацыям бізнэсу і грамадзянскай супольнасці, як найбольш пацярпелым ад крызысу Covid-19.

Праграма адбываецца ў два этапы:

• Экспертная падтрымка арганізацый – з 10.07 па 01.08.

Гэты этап уключае праходжанне анкетавання па якасці (сертыфікацыя BELLAQUA) і экспертныя кансультацыі па выніках сертыфікацыі, якія будуць уключаць рэкамендацыі па павышэнні якасці адукацыйных паслуг. Магчымы кансультацыі ад профільных экспертаў, юрыста, бухгалтара, інш.

• Конкурс кароткатэрміновых адукацыйных праграм (да 15 гадзін) / мерапрыемстваў па павышэнні ўласнага патэнцыялу.

Патрабаванне да праграм: з’яўляцца падтрымліваючымі для людзей, якія пацярпелі ад крызысу Covid-19. Сума падтрымкі – да 1000 еўра.

Патрабаванне да мерапрыемстваў па павышэнні патэнцыялу: мець патэнцыял доўгатэрміновага ўздзеяння. Сума падтрымкі – да 500 еўра.

Парадак правядзення:

1. да 09.07 (уключна) даслаць заяўку
2. да 10.07 абвышчэнне вынікаў
3. з 11.07 пачынаецца першы этап – экспертная дапамога
4. да 25.07 ўдзельнікі дасылаюць дапрацаваныя адукацыйныя праграмы на конкурс
5. да 30.07 паведамляюцца вынікі конкурсу
6. да 30.08 неабходна даслаць справаздачу па выніках імплементацыі праграмы

Змест заяўкі:

• кароткае апісанне арганізацыі (абавязковая наяўнасць юрыдычнай асобы)
• кароткае апісанне планаванай адукацыйнай праграмы (назва, мэты і задачы, мэтавая група, планаваны змест. Усяго 3-5 радкоў)
• падпісаная заява на ўдзел у конкурсе (дакумент можна спампаваць тут >>)

Заяўкі прымаюцца да 09.07.2021 на e-mail [email protected] (з пазнакай “праграма падтрымкі”).

Па ўсіх пытаннях таксама звяртайцеся на азначаны е-mail.