Заява “РАДА” ў сувязі з новай хваляй палітычнага пераследу грамадскіх арганізацый

У Беларусі працягваецца ціск на грамадскі сектар і крымінальны пераслед па палітычных матывах. 14 лiпеня ператрусы прайшлi ў больш чым 30 прадстаўнікоў і прадстаўніц грамадскіх арганізацый.

Мы лічым, што адбываючыся пераслед з’яўляецца палітычна матываваным і парушае свабоды і правы грамадзян, гарантаваныя Міжнародным пактам аб грамадзянскіх і палітычных правах і Канстытуцыяй Рэспублікі Беларусь. Заклікаем беларускія дзяржаўныя ворганы выконваць нормы Канстытуцыі Рэспублікі Беларусь, асноўныя прынцыпы і нормы міжнароднага права.

Мы нагадваем, што шляхам для выхаду з бягучага грамадска-палітычнага крызіса з’яўляецца выкананне 3 асноўных патрабаванняў беларускага грамадства, якія сфармаваліся ў жніўні 2020:

• выпусціць палітвязняў і спыніць палітычна матываваны пераслед грамадзян краіны;
• празрыстае расследванне ўсіх фактаў катавання, збіцця і забойстваў грамадзян;
• правядзенне новых празрыстых і дэмакратычных выбараў.

У сувязі з гэтым, мы:

1. Рашуча асуджаем чарговую хвалю ціску і рэпрэсій супраць арганізацый грамадзянскай супольнасці і праваабарончай супольнасці і заклікаем тэрмінова вызваліць затрыманых;
2. Выказваем салідарнасць і падтрымку ўсім, каго закранулі рэпрэсіі;
3. Заклікаем грамадзянскую супольнасць Беларусі і іншых краінаў да салідарызацыі і выказаць сваю падтрымку тым, хто знаходзіцца пад ціскам рэпрэсій у Беларусі;
4. Заклікаем беларускія ўлады спыніць рэпрэсіўныя дзеянні і пачаць сапраўдны працэс дыялогу з грамадствам.

Спіс патрапіўшых пад палітычныя рэпрэсіі 14 ліпеня 2021 году (абнаўляецца):

1. Уладзімір Лабковіч, юрыст «Вясны»;
2. Ніна Лабковіч;
3. Валянцін Стэфановіч, сябра Рады «Вясны»;
4. Алесь Бяляцкі, кіраўнік «Вясны»;
5. Сяргей Сыс, журналіст і праваабаронца;
6. Алена Лапцёнак, праваабаронца «Вясны»;
7. Андрэй Палуда, праваабаронца «Вясны»;
8. Яўгенія Бабаева, праваабаронца;
9. Вольга Смалянка, дырэктарка Lawtrend;
10. Алег Мацкевіч, праваабаронца «Вясны» (Барысаў);
11. Ігар Казмерчак, праваабаронца «Вясны» (Орша);
12. Віктар Сазонаў, праваабаронца «Вясны» (Гродна);
13. Марына Статкевіч, былая сябра «Вясны» (Барысаў);
14. Эканаміст Яраслаў Раманчук;
15. Тамара Мацкевіч (Таварыства беларускай школы);
16. Сяргей Мацкевіч (Цэнтр Супольнасць);
17. Кірыл Кафанаў (Брэст, Human Constanta);
18. Мікола Шараха (кіраўнік ячэйкі свабоднага прафсаюза з Полацка і сябра Полоцкага праваабарончага таварыства);
19. Вобшук на пляцоўцы «Тэрыторыя правоў»;
20. Вобшук у офісе Цэнтра прававой трансфармацыі Lawtrend;
21. Вобшук у офісе «Имена»;
22. Вобшук у офісе Руху «За свабоду!»;
23. Вобшук на сядзібе БНФ;
24. Вобшук у офісе Беларускай Асацыяцыі Журналістаў;
25. Вобшук у офісе Згуртавання беларусаў свету «Бацькаўшчына»;
26. Вобшук у офісе «Цэнтр эканамічных даследаванняў «BEROC»»;
27. Вобшук у офісе праваабарончай арганізацыі «Гендэрныя перспектывы»;
28. Вобшук у офісе арганізацыі «Офіс еўрапейскай экспертызы і камунікацыі»;
29. Сафiя Емяльянава, ГА «Адукацыйны цэнтар ПОСТ»
30. Вобшук у офісе «Цэнтр інфармацыйна-прававой падтрымкі сацыяльна неабароненых груп насельніцтва «Адвакацыя»» (Полацк);
31. Вобшук у офісе ГА «Цэнтр «Трэці сектар» (Гродна);
32. Вобшук у офісе праваабарончага цэнтра «Вясна»;
33. Вобшук у офісе Асацыяцыi дадатковай адукацыі і асветы;
34. Вобшук у офісе даследчай лабараторыі Novak;
35. Вобшук у офісе РПГА “Беларускі Хельсінкскі Камітэт”;
36. Вобшук у офісе АГА “Фонд імя Льва Сапегі”;
37. Вобшук у офісе Саюза беларускіх пісьменнікаў;
38. Ператрус у офісе “Аб’яднанай грамадзянскай партыі”;
39. Вольга Беляўцава (сяброўка АГП);
40. Яўгенія Субот;
41. Алесь Міноў;
42. Аляксандр Руткевіч;
43. Арына Каршунова;
44. Ператрус у офісе «Новые лица»;
45. Вобшук у “Офіс дапамогі і падтрымкі занятасці моладзі “ЮларКансалт”.