Ліквідацыя сяброўскіх арганізацый “РАДА”

23 ліпеня прадстаўнікі дзясяткаў некамерцыйных арганізацый даведаліся, што іх установы фактычна ліквідаваныя. За тыдзень да гэтага ў офісах арганізацый прайшлі ператрусы, а ўлады некалькі разоў пагражалі, што “грамадзянская супольнасць перастане існаваць”.

Распавядзем, што адбываецца з сяброўскімі арганізацыямі “РАДА”.

Мінюст падаў у Вярхоўны суд іскавую заяву аб ліквідацыі ГА «Экадом».

У чым на думку Мінюста былі парушэнні, якія паслужылі падставай для папярэджання?

Мінюст палічыў, што Экадом не прадставіў дакументы адносна ўласніка памяшкання, якія пацвярджаюць права на размяшчэнне па юр.адрасе, аднак у Мінюст быў прадстаўлены дагавор бязвыплатнага карыстання і акт прыёмкі-перадачы памяшкання, пры тым, што ў сваім запыце Мінюст першапачаткова прасіў дакументы, якія пацвярджаюць наяўнасць юр.адраса, не ўдакладняючы, якія менавіта дакументы ім неабходныя. Таксама ў 2017 годзе Экадомам уносіліся змены ў Статут, адносна змены юр.адрасы ў Мінюсце, дзе ўсе дакументы ў поўным аб’ёме былі прадстаўлены.

На думку Мінюста Экадом не прадставіў спіс сяброў у поўным аб’ёме, а менавіта яны прасілі даць ім усю асабістую інфармацыю кожнага сябра аб’яднання (месца жыхарства, месца працы, дата нараджэння, кантактныя тэлефоны і асабістыя подпісы). Пры гэтым заканадаўства і Статут ГА “Экадом” не прадугледжвае патрабаванні да фармату спісаў сяброў грамадскага аб’яднання.

Таксама ў лісце Мінюст паказаў, што падчас маніторынгу сайта было ўстаноўлена, што ГА ” Экадом “ажыццяўляе ўзаемадзеянне з такімі арганізацыямі, як Беларускі нацыянальны моладзевы савет “РАДА”, Асамблея НДА, Беларуская Нацыянальная платформа Форуму грамадзянскай супольнасці. Пры гэтым, Артыкул 7 Закона “Аб грамадскіх аб’яднаннях” частка 2 гаворыць: “Дзейнасць незарэгістраваных грамадскіх аб’яднанняў, саюзаў на тэрыторыі Рэспублікі Беларусь забараняецца”. Такім чынам, заканадаўства ўстанаўлівае забарону на дзейнасць незарэгістраваных аб’яднанняў (іх саюзаў, асацыяцый), а не на ўзаемадзеянне з імі або з фізічнымі асобамі, якія дзейнічаюць ад асобы такіх арганізацый.

Экадом плануе абскардзіць папярэджанні.


ПОСТ быў зарэгістраваны ў 1997 годзе і за гэты час зрабіў адну з самых доўгіх праграм моладзевага абмену з Брэменам, дзякуючы якой можна было ўбачыць, як маладыя людзі праходзяць альтэрнатыўную службу ў інклюзіўных дзіцячых садках і станцыях дзённага знаходжання для людзей з інваліднасцю. ПОСТ арганізоўвал Мінскі ларп-фестываль, семінары па напісанні сацыяльных ларпаў, падтрымліваў тых, каму патрэбна была падтрымка і засцерагаў асабістую прастору ўсіх, каму трэба было больш паветра.

14 ліпеня прайшоў ператрус на юрыдычным адрасе арганізацыі і дома ў старшыні праўлення Соні Емяльянавай.

Ператрусы былі праведзены для ўстанаўлення датычнасці да крымінальнай справы. Была канфіскаваная асабістая тэхніка і некалькі статутных дакументаў. Пастанову на ператрус была выдадзена Следчым камітэтам.

Рахунак арганізацыі быў замарожаны ў сувязі з расследаваннем дачынення да крымінальнай справы.

16 ліпеня Упраўленне Міністэрства юстыцыі ініцыявала праверку дзейнасці арганізацыі і запытала спіс дакументаў, тэрмін прадстаўлення якіх – 23 ліпеня. Дакументы былі падрыхтаваныя і адпраўленыя ў названы тэрмін.

26 ліпеня “Пост” атрымалі ліст, адпраўлены 23 ліпеня, у якім паведамлялася, што Галоўнае ўпраўленне юстыцыі Мінгарвыканкама (рэгіструючы орган) падаў пазоў у Мінскі гарадскі суд аб ліквідацыі ГА “Адукацыйны цэнтр “ПОСТ”.

З раскладу на сайце Мінскага гарадскога суда стала вядома, што суд аб ліквідацыі арганізацыі прызначаны на 29 ліпеня.

За 12 дзён ПОСТ зрабіў шлях да арганізацыі, якая ў хуткім часе хутчэй за ўсё будзе ліквідаваная. 


Па прадстаўленні пракуратуры Брэста 8 ліпеня стала вядома, што за парушэнні  ліквідуеца АРР “Дзедзіч”.

Прычынай для ліквідацыі стала дзейнасць, якая не адпавядае статуту – “замест аказання інфармацыйна-кансалтынгавых паслуг у галіне культуры арганізоўвала конкурсы мастацкіх твораў і трансляцыю ў сацыяльных сетках ролікаў, якія прапагандуюць фарміраванне ў грамадзян станоўчае стаўленне да здзяйснення супрацьпраўных дзеянняў”.

За 21 год працы “Дзедзіч” рэалізаваў больш за 150 адукацыйных, асветніцкіх, экалагічных праектаў і праграм. Арганізацыя заахвочвае берасцейцаў быць актыўнымі і неабыякавымі гараджанамі, прыдумваць цікавыя ідэі і рэалізоўваць іх, каб Брэст станавіўся больш прыгожым, утульным і зручным для жыцця.


“Трэці сектар” на аснове беларускіх нацыянальных каштоўнасцей развівае грамадскую актыўнасць сярод розных колаў насельніцтва шляхам інфармацыйнай і адукацыйна-асветніцкай падтрымкі дэмакратычных грамадскіх ініцыятываў.

Асноўныя кірункі дзейнасці арганізацыі:

  • Інфармацыйная падтрымка грамадскіх ініцыятыў
  • Медыяадукацыя («Школа маладога журналіста», «Школа медыяменеджмента», «Школа PR і медыякампетэнцый», Фестывалі журналістыкі, навучальныя візіты і абмены).
  • Універсітэт Залатога Веку: інтэлектуальная, сацыяльная і фізічная актывізацыя сталых людзей.
  • Развіццё мясцовых супольнасцей і сацыяльнай анімацыі (“Адкрытая школа мясцовай супольнасці” – трэнінгі і навучальныя візіты для грамадскіх актывістаў з розных гарадоў і мястэчак Беларусі, “Акадэмія рэгіянальнага развіцця“, дапаможнік “Сацыяльны аніматар”, праграма па актывізацыі моладзі HrodnaYouthHub, дапамога ў стварэнні мясцовых сайтаў,  валанцёрская праца і г.д.).
  • Культура і спадчына (выданне літаратуры (“Песьня пра Зубра”, “Легенды і міфы”: ад Нёмана да Буга”, “Традыцыйная кухня Беласточчыны і Гарадзеншчыны”), міжнародныя культурніцкія праекты, праекты па захаванні і папулярызацыі гістарычнай спадчыны Гарадзеншчыны  (“Постаці“, “Новы свет”).
  • Развіццё транспамежнага супрацоўніцтва паміж грамадскімі арганізацыямі і ініцыятывамі (Форум НГА Еўрарэгіёна “Нёман”, ПоЛіБелКа (2003, 2006, 2010), міжнародныя моладзевыя летнікі, абмен валантэрамі і г.д.), удзел у працы Усходнееўрапейскай сеткі па грамадзянскай адукацыі (EENCE).
  • Умацаванне патэнцыялу грамадскіх ініцыятываў ( навучальныя візіты, трэнінгі, кансультацыі па планаванні дзейнасці арганізацыі, сувязях з грамадскасцю, распрацоўцы праектаў, арганізацыйным развіцці, распрацоўцы навучальных праграм, выкарыстанні новых медыяў і г.д.).

14 ліпеня ў офісе арганізацыі, як і ў офісах яшчэ пары дзясяткаў арганізацый, адбыўся вобшук у межах крымінальнай справы ч.1 арт. 342 КК «Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх».


14 ліпеня сілавікі прыходзілі з вобшукам у некамерцыйную ўстанову “Офіс дапамогі і падтрымкі занятасці моладзі “ЮларКансалт” (прым. Youth Labor Rights). А 23 ліпеня стала вядома, што ўстанова апынулася сярод тых, каго па рашэнні Мінгарвыканкама лішаюць рэгістрацыі (рашэнне ад 19.07).


EUROPEAN YOUTH PARLIAMENT

EYP прысутнічае ў 40 еўрапейскіх краінах з удзелам каля 35000 удзельні_ц – гэта найбуйнейшая еўрапейская платформа для адукацыі, дэбатаў і абмену ідэямі сярод моладзі. EYP Беларусь з’яўляецца часткай міжнароднай сеткі, якая арганізуе мерапрыемствы з 2000 года. Еўрапейскі моладзевы парламент ствараецца моладдзю для моладзі на добраахвотнай аснове і не мае палітычнага мандата.

17 чэрвеня 2020 года EYP былі афіцыйна зарэгістраваны як сацыяльна-культурная ўстанова “Цэнтр арганізацыі мерапрыемстваў для развіцця культурнага ўзаемаразумення моладзі “Івайпі-бай”. А 23 ліпеня ўстанова апынулася сярод тых, каго вырашылі ліквідаваць.


Першае мерапрыемства “Жывой Бібліятэкі” было арганізавана 11 кастрычніка 2014 года.

12 ліпеня 2017 года супольнасць атрымала рэгістрацыю ў Мінгарвыканкаме як сацыяльна-творчая ўстанова “Цэнтр развіцця эфектыўнай камунікацыі “Жывая Бібліятэка”.

Місія арганізацыі – развіццё грамадства, пабудаванага на прынцыпах роўнасці, інклюзіі, недыскрымінацыі і талерантнасці, праз эфектыўную камунікацыю паміж рознымі сацыяльнымі групамі і павелічэнне іх бачнасці.

Жывая Бібліятэка” таксама патрапіла пад хвалю ліквідацыі НКА.

“Мы больш чым установа! Мы – каманда і мы працягваем сваю працу. Наша каманда перажыла вялікую гісторыю, якую мы не плануем спыняць толькі таму, што будзем ліквідаваны як юрыдычная асоба. Працуем далей!” – піша на сваіх старонках у сац.сетках Цэнтр “Жывая Бібліятэка.


Гэта першая грамадская арганізацыя, якая атрымала рэгістрацыю Міністэрства юстыцыі Рэспублікі Беларусь у суверэннай гісторыі.

“Грамадзянскі форум” незалежная ліберальная моладзевая арганізацыя, у якую аб’ядноўваюцца маладыя людзі па ўсёй краіне, каб разам самарэалізоўвацца, развіваць сябе і адначасова грамадства, у якім яны жывуць.

15 ліпеня з ператрусам прыйшлі да старшынькі арганізацыі Маргарыты Савіцкай і да яе намесніка Ігара Нікіціна. У іх забралі ўсю тэхніку.


Задзіночанне — гэта кааліцыя роўных у правах універсітэцкіх аб’яднанняў, якія прадстаўлены роўнай колькасцю дэлегатаў у Нацыянальнай Студэнцкай Радзе (НСР). На дадзены момант Задзіночанне прадстаўляе 16 ВНУ Беларусі.

12 лістапада прадстаўнікі Камітэта дзяржаўнай бяспекі Рэспублікі Беларусь пачалі праверку ў дачыненні да прыхільнікаў і прыхільніц студэнцкай арганізацыі «Задзіночанне Беларускіх Студэнтаў», а таксама іншых актыўных студэнтак і студэнтаў. У офісе арганізацыі, а таксама кватэрах і пакоях інтэрнатаў маладых людзей прайшлі ператрусы. У выніку ў іх канфіскавалі тэхніку: кампутары, мабільныя тэлефоны і дакументы. Агулам па гэтай справе былі затрыманы і абвінавачаны 12 чалавек: 10 студэнтак і студэнтаў, 1 выкладчыца і 1 выпускніца — сяброўка асноўнага складу Каардынацыйнага Савета.

Як судзяць студэнтаў вы можаце прачытаць у нашым артыкуле.

Таксама Беларускі нацыянальны моладзевы савет “РАДА” ужо двойчы выступаў з заявамі у сувязі з крымінальным пераследам студэнцтва і палітычнымі рэпрэсіямі грамадзян Рэспублікі Беларусь (гл. 19.11.2020 і 13.05.2021).

16 ліпеня 2021 году быў вынесены прысуд па “справе студэнтаў”:

  • Ксеніі Сырамалот – 2 гады і 6 месяцаў пазбаўлення волі;
  • Ягору Канецкаму – 2 гады і 6 месяцаў пазбаўлення волі;
  • Іллі Трахтэнбергу – 2 гады і 6 месяцаў пазбаўлення волі;
  • Таццяне Екельчык – 2 гады і 6 месяцаў пазбаўлення волі;
  • Касе Будзько – 2 гады і 6 месяцаў пазбаўлення волі;
  • Яне Арабейка – 2 гады і 6 месяцаў пазбаўлення волі;
  • Вікторыі Гранкоўскай – 2 гады і 6 месяцаў пазбаўлення волі;
  • Анастасіі Булыбенка – 2 гады і 6 месяцаў пазбаўлення волі;
  • Марыі Каленік – 2 гады і 6 месяцаў пазбаўлення волі;
  • Алане Гебрэмарыям – 2 гады і 6 месяцаў пазбаўлення волі;
  • Вользе Філатчанкавай – 2 гады і 6 месяцаў пазбаўлення волі;
  • Глебу Фіцнеру – 2 гады пазбаўлення волі.

Акрамя Глеба Фіцнера, ніхто з фігурантаў справы не прызнаў сваёй віны.


Брэсцкая моладзевая ініцыятыва “ААЗІС” – неабыякавая моладзь і студэнства горада Брэста, якія актывізуюць берасцейскую моладзь на вырашэнне ўласных праблем, а таксама праблем экалогіі и беларускай культуры праз адукацыйныя семінары, сумеснае баўленне часу з сэнсам ды іншыя культурніцкія мерампрыемствы.

Па прастаўленні Пракуратуры г. Брэста ад 23.07.2021 сацыяльна-культурную ўстанову “Брэсцкі Аазіс” таксама ліквідуюць.


Што чакаць далей? Пра гэта Зялёнаму парталу распавяла дырэктарка Цэнтра прававой трансфармацыі (Lawtrend) Вольга Смалянка.

Людзі, якія працуюць у НДА, смелыя, адданыя сваёй працы і людзям, для якіх працуюць. Таму мы працягнем сваю працу, нягледзячы на перашкоды ўладаў.

Нас не разбіць, не спыніць, не стрымаць!

Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА”
Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА” Ліквідацыя сяброўскіх арганізацый “РАДА”