Курс па адвакатыўных кампаніях для прадстаўнікоў_ніц уразлівых груп “Актывуйся!”
![Курс па адвакатыўных кампаніях для прадстаўнікоў_ніц уразлівых груп “Актывуйся!”](https://rada.fm/wp-content/uploads/2021/11/sajt-3.png)
Як пачаць змены? Мы дапаможам вам навучыцца вырашаць праблемы на розных узроўнях. Хто, калі не вы, зробіць першы крок да паляпшэння свайго жыцця?
![](https://rada.fm/wp-content/uploads/2021/11/activiruysa_forma.jpg)
Беларускі нацыянальны моладзевы савет “РАДА” у партнёрстве з Суполкай “Жывая Бібліятэка” запускае курс па адвакатыўных кампаніях для прадстаўнікоў_ніц уразлівых груп “Актывуйся!”.
Мэта курса – расказаць пра інструменты вырашэння сацыяльна важных праблем і навучыць прадстаўнікоў_ніц уразлівых груп адвакатыўным практыкам, спосабам іх выкарыстання для прасоўвання сваіх патрэб.
Што будзе:
- вы даведаецеся аб розных адвакатыўных практыках (петыцыі, інфармацыйныя кампаніі і г.д.),
- вы вывучыце існуючыя прыклады іх выкарыстання,
- вы зможаце напісаць стратэгію сваёй адвакатыўнай кампаніі.
Курс будзе складацца з 6 сесій па 2-3 гадзіны. Асноўныя блокі праграмы будуць праведзены ў студзені-красавіку 2022 года. Фармат правядзення – анлайн. Паміж сесіямі ўдзельнікам_цам будуць давацца хатнія заданні.
Дадатковай магчымасцю для ўдзельнікаў_ц курсу будзе падтрымка напісання і рэалізацыі стратэгіі сваёй адвакатыўнай кампаніі (дапамога ў выбары спосабу адвакацыі, ментарскія кансультацыі і інш.).
Для каго?
Дадзены адукацыйны курс галоўным чынам разлічаны на прадстаўнікоў_ніц наступных уразлівых груп:
- маламабільныя людзі,
- людзі з парушэннямі слыху,
- людзі з парушэннямі зроку,
- бацькі з маленькімі дзецьмі,
- ЛГБТК+ супольнасць,
- людзі з абмежаваннямі ў харчаванні,
- людзі старэйшага ўзросту,
- але не абмяжоўваецца толькі імі.
Для навучання на курсе неабходна запоўніць форму рэгістрацыі да 7 cнежня ўключна.
Хто праводзіць
Заняткі ў рамках курса будуць праводзіць эксперты і эксперткі ў сваёй справе, якія маюць досвед правядзення кампаній розных узроўняў і маштабу ў Беларусі і на міжнародным узроўні.
Актывуйся разам з намі!
Таксама запрашаем вас на курс па вывучэнні інклюзіўнага падыходу для арганізатараў_ак мерапрыемстваў “ALL Inclusive”.
Мэта курса — расказаць арганізатар_кам рознага тыпу імпрэз пра патрэбы сацыяльна ўразлівых груп і навучыць метадам уключэння іх у сваю працу. Рэгістрацыя тут.