Набор удзельнікаў і ўдзельніц на трэнінг для трэнераў і трэнерак

Беларускі нацыянальны моладзевы савет “РАДА” абвяшчае набор удзельнікаў і ўдзельніц на трэнінг для трэнераў і трэнерак.

Трэнінг для трэнераў і трэнерак — гэта афлайн-курс, які дазволіць вам атрымаць тэарэтычныя веды і практычныя навыкі пра тое, як стварыць і правесці сваё адукацыйнае мерапрыемства метадамі нефармальнай адукацыі.

Вы даведаецеся пра:

• тэхналогіі стварэння мерапрыемстваў нефармальнай адукацыі
• інструменты для афлайн і анлайн мерапрыемстваў
• метады працы з групай і яе дынамікай
• скразныя каштоўнасці і іх улік у адукацыйных мерапрыемствах

Гэты трэнінг будзе цікавы і карысны тым, хто:

• хоча развіваць сябе ў якасці трэнера / трэнеркі нефармальнай адукацыі;
• хоча даведацца больш пра метадалогію нефармальнай адукацыі;
• хоча развіць новыя і карысныя кампетэнцыі;
• хоча навучыцца перадаваць свае веды іншым.

Трэнінг адбудзецца з 11 па 15 траўня ў Літве (афлайн). Арганізатары_кі пакрываюць транспартныя выдаткі, ежу і пражыванне.

Для ўдзелу неабходна запоўніць анлайн-форму па спасылцы.

Апошні тэрмін прыёму заявак:

• у каго няма Шэнгенскай візы – 3 траўня (ўключна);
• у каго ёсць Шэнгенская віза – 6 траўня (ўключна). 

Адказы на ўсе анкеты будуць высланы не пазней за 8 траўня.

Па ўсіх пытаннях можна пісаць на электронную пошту [email protected].