Анлайн-інтэнсіў RADAblogging
Беларускі нацыянальны моладзевы савет “РАДА” запрашае моладзь на анлайн-інтэнсіў па блогінгу.
Для каго гэты курс?
Для беларускай моладзі (якая пражывае як у Беларусі, так і за яе межамі), у якой ёсць ідэя стварэння ўласнага блога ці ўжо ёсць мікра-блог, які вы хочаце развіваць. Блог можа быць у Instagram, TikTok, Youtube і іншае.
Тэмы блога: моладзевы актывізм, вайна ва Украіне, барацьба з дыскрымінацыяй беларусаў і беларусак, правы чалавека.
Адбор удзельнікаў і ўдзельніц пройдзе ў два этапы на конкурснай аснове.
Пераможцы конкурсу стануць удзельнікамі і ўдзельніцамі інтэнсіву, атрымаюць ментарскую падтрымку і доступ да навучальных заняткаў ад экспертаў і экспертак у тэмах асабістага брэнда, прасоўвання блога, стварэнні візуала.
- Першы этап. Адбор удзельнікаў і ўдзельніц на падставе запоўненых анкет.
- Другі этап.
Удзельнікі і ўдзельніцы, адабраныя на першым этапе, прымуць удзел у двухдзённым пітчынгу сваіх ідэй, сярод якіх абяруць фіналістаў і фіналістак.
Адукацыйная праграма складаецца з наступных блокаў:
- Асабісты брэнд
- Стварэнне візуала
- Прасоўванне блога
- Устойлівасць блога
Паралельна з адукацыйнай праграмай удзельнікі і ўдзельніцы курса будуць працаваць з ментарам або ментаркай, якія будуць падабраны ў адпаведнасці з тэмай і пляцоўкай блога.
Да чаго трэба быць гатовымі:
- Пастаяннай сувязі з ментарамі і ментаркамі курса (афлайн ці анлайн сустрэчы)
- Анлайн-заняткам і трэнінгам (2 разы на тыдзень: кожны аўторак і чацвер)
Каляндар курса
- Дэдлайн падачы заявак – 29 траўня ўключна.
- Вынікі адбору на першым этапе – 31 траўня.
- Другі этап адбору (прэзентацыя ідэй і адбор журы) – 18 чэрвеня.
- Адукацыйны блок, праца з ментарамі і ментаркамі, запуск блогаў – пачатак ліпеня – канец жніўня.
Жадаю запісацца!
Падаць заяўку на ўдзел можна па спасылцы. Дэдлайн падачы заявак – 29 траўня ўключна. Па ўсіх пытаннях пішыце на info@rada.fm
