Як падрыхтаваць блог да рэкламы?

Таргетынг – гэта рэклама на аўдыторыю па зададзеных інтарэсах, геаграфіі, узросце, дэмаграфічных і іншых характарыстыках. Таргет – вельмі добры інструмент. У першую чаргу таму, што мы не трацім грошы на немэтавую аўдыторыю.

Напрыклад, мы выкарыстоўваем знешнюю рэкламу, банер на цэнтральным праспекце, сярод пешаходаў можа быць як вялікая, так і вельмі малая доля нашай аўдыторыі. Атрымліваецца, што мы марнуем грошы. У выпадку з таргетынгам мы выдаткоўваем грошы дакладна на прадстаўнікоў_ніц нашай аўдыторыі, бо робім гэта адрасна.

Для таго, каб таргетынг быў магчымы, нам трэба аформіць профіль так, каб усе спосабы рэкламы былі эфектыўнымі.

Пасля афармлення варта зрабіць дэталёвы аналіз мэтавай аўдыторыі. Дзе жыве вашая мэтавая аўдыторыя, якія ў яе патрэбы, праблемы, яе гендарны склад, кім працуюць, дзе навучаюцца гэтыя людзі.

Пасля аналіза мэтавай аўдыторыі пераходзім да стварэння стратэгіі запуску.

Прапісваем:

сегменты мэтавай аўдыторыі, то бок на каго скіраваны таргет;
плэйсмент мэтавай аўдыторыі, то бок дзе будзе таргет: у стужцы Instagram, сторыз, рылз, стужка і сторыз Facebook, WhatApp;
робім візуалы, відэа.
непасрэдна запускаем нашую кампанію.
2-7 дзён адбываецца саманавучанне сістэмы Facebook, якая вывучае, якая аўдыторыя найбольш верагодна адрэагуе на нашыя макеты, таргетынг, робім прамежкавую аналітыку, наколькі добра зайшлі нашыя макеты, наколькі добра зроблены таргет. Калі мы бачым, што рэклама працуе добра, павялічваем бюджэт, колькасць дзён у рэкламе, аналізуем, якіх вынікаў мы дасягнулі з дапамогай таргетынга.

Сегментацыя

Выдзяляем некалькі сегментаў нашай аўдыторыі і апісваем максімальна падрабязна іх інтарэсы, матывацыю, чаму людзі з пэўнага сегменту чытаюць ваш блог. Абапіраемся на гэтыя партрэты, якія выяўляюць найбольш тыповых прадстаўнікоў_ніц сярод вашых падпісантаў_ак.

Вельмі часта людзі без досведу ў наладах таргета робяць бутэрброд з інтарэсаў, напрыклад: “вандроўкі, вучоба за мяжой, фрыланс, вечарыны, смачная ежа”. Пажадана не рабіць так, лепш абраць нейкі адзін інтарэс. Можна звярнуцца да Facebook: пры наладах ён сам прапануе нейкія інтарэсы. Пажадана, каб гэтыя інтарэсы былі адной тэматыкі: “вандроўкі”, “бюджэтныя вандроўкі”, “вандроўкі з сябрамі”, “вандроўкі ў Еўропу”. Каб усё круцілася вакол аднаго ключавога слова. Такія інтарэсы як “фрыланс”, “вучоба за мяжой” звядуць алгарытмы сацсетак з глузду.

Пасля сегментацыі складаем стратэгію таргетынгу. У стратэгіі прапісваем, для каго і дзе мы будзем рабіць таргетынг.

Напрыклад, стратэгія для тэатральнай школы.

Мэтавая аўдыторыя: дзеці, але на іх таргетавацца немагчыма, таму робім таргет на бацькоў. Вылучаем два сегмента: бацькі, дзеці, 6-8, 9-12, 13-16. Інтарэсы: акторская школа, тэатр, сцэнічная мова, дзіцячыя кастынгі. Прапісваем відэамакеты з запрашэннем ад кіраўніка_чкі школы, відэамакет з відэавізітак.

Плэйсменты: Instagram стужка і сторыз, Facebook стужка. Лічыцца, што плэйсмент Facebook стужкі робіцца для людзей ва узросце 30+. У Instagram тэндэнцыя схіляецца да праглядаў сторыз, таму рэкламу лепш запускаць менавіта туды.

Макеты могуць быць рознымі, могуць выкарыстоўвацца графічныя шрыфты, фігуры, дадатковыя элементы альбо проста фотамакеты.

Крытэрыі добрага візуалу:

ён павінен быць трэндавы, для гэтага пасуюць трэнды з TikTok, іх можна выкарыстоўваць у рылз;
ён павінен прабіваць банерную слепату. Калі вы зробіце мінімалістычны макет, у яркіх колерах, то, верагодна, так і адбудзецца;
ён павінен адлюстроўваць сутнасць блогу;
усе элементы адлюстраваныя карэктна, тэкст добра чытаецца. Макеты павінны быць па-змаўчанні якаснымі, бо Facebook можа наўмысна зніжаць паказы, ахопы на неякасныя, піксельныя макеты;
у ім павінен адсутнічаць забаронены кантэнт, які падзяляецца на адназначна забаронены, спрэчны і невідавочна спрэчны, то бок можа адбыцца што заўгодна. Адназначна забаронены голыя целы і сэксуалізаваны кантэнт, алкаголь, цыгарэты і іншыя забароненыя рэчывы, дыскрымінацыйны кантэнт, мова варожасці. Палітыка не вітаецца;
элементы інтэрфейсу, то бок імітацыі кнопак, стрэлак, клікаў.

Крытэрыі добрага тэксту:

адлюстроўваюць сутнасць блога;
трапляе у боль аўдыторыі;
прапаноўвае вырашэнні праблемы аўдыторыі;
змяшчае ў сабе заклік.

Тэхнікі напісання тэкстаў, якія прадаюць:

AIDA (Attention Interest Desire Action) – найбольш знакамітая тэхніка, якая трымаецца на 4 слупах:

увага – зачапіце чытача_ку, каб ён затрымаў свой погляд, спыніўся_лася на імгненне. Памятаем, што прыцягнуць увагу вы можаце загалоўкам, выявай, гукам;
цікаўнасць – тут важна не толькі зацікавіць, але і як мага больш утрымаць інтарэс, дэманструйце моцныя бакі свайго праекта;
жаданне – пераканайце чытача_уц ў тым, што ён_яна атрымае шмат карысці ад вашага прадукту;
дзеянне – падштурхніце да нейкага мэтавага дзеяння: падпіскі, каментара, распаўсюду.

PMHS (Pain More Hope Solution) – таксама добрая тэхніка, яе прынцыпы:

боль – закраніце глыбокую ўнутраную праблему чалавека;
яшчэ больш болю – узмацніце эфект апісаннем паслядоўнасцяў, пачуццяў у сувязі з гэтай праблемай;
надзея – распавядзіце чытачу_ке, што сёння яго_яе праблема – не праблема;
вырашэнне – падзяліцеся вырашэннем.

Тэхнікі напісання тэкстаў, што прадаюць, зводзяцца да прыцягнення ўвагі, загалоўка, які чапляе, рытарычнага пытання, якое адлюстроўвае боль аўдыторыі альбо інтрыгуе, правакуе, раскрывае тэму.

Парады для пабудовы макета для асабістага блогу:

раскрыць тэму і ціснуць на боль, які асвятляецца ў блогу. Напрыклад: як тыдзень бавіць час у Еўропе на 100 еўра;
дэманстраваць карысць. Напрыклад: у гэтых хайлатсах вы знойдзеце топ самых бюджэтных краінаў Еўропы, а таксама даведаецеся, як легалізавацца ў Польшчы;
самы аптымальны фармат – эстэтычнае відэа з вашым закадравым голасам, ваш відэазварот;
чым больш сцісла і зразумела, тым лепш.

Абавязкова ў кожным макеце павінна прысутнічаць аферта – гэта вашая ўнікальная гандлёвая прапанова – тое, якую праблему, боль ці патрэбу вашага_ай падпісанта_кі вы вырашаеце сваім блогам.

Прылады для дызайна макетаў

Прылады для дызайна графікі і фота:

Прылады для дызайна відэа:

Inshot
CapCut
Instagram

Прылады для дызайна анімацыі:

Mojo

Разгледзім прыклад макету:

Макет рэкламуе курсы па запуску таргета, візуал чапляе. Таксама тут чапляе загаловак, які адлюстроўвае боль аўдыторыі.

Які можа быць таргет?

Існуе тры спосабы:

– праз кнопку “Прасоўваць” – самы просты спосаб, але нельга дакладна прапісаць інтарэсы і, напрыклад, мову;

– праз цэнтр рэкламы – мае такі ж функцыянал, як у кнопкі “прасоўваць”, але можна пры гэтым не публікаваць аб’яву ў профілі, таксама досыць просты спосаб прасоўвання. У цэнтр рэкламы можна трапіць праз кнопку “прасоўваць”;

– праз рэкламны кабінет – самы складаны спосаб. Стварэнне рэкламнага кабінета бізнэс-мэнэджэра дастаткова доўгая працэдура. Плюс рэкламнага кабінета – больш магчымасцяў для выбару дэмаграфічных характарыстык, дэтальны таргетынг.

Можна прасоўваць пост, сторыз, рылз, сам акаунт, што заўгодна. Можна рабіць таргет з адной сацсеткі ў іншую.

Каб запусціць таргет, трэба мець асабісты профіль на Facebook. Калі мы хочам таргетаваць не наш асабісты блог, а нешта іншае, трэба каб была бізнэс-старонка, да якой мы чапляем Instagram, які мы хочам таксама таргетаваць.

Калі вы плануеце прасоўваць Instagram, трэба перавесці свой профіль у бізнэс-профіль. Гэта дазволіць рабіць не толькі рэкламу, але і адсочваць статыстыку.

Прынцыпы таргетынгу:

важна таргетавацца з жывога і праверанага профіля, каб ён быў з арганічнай фрэндстужкай, без фэйкавых фатаздымкаў, не бот, з паступовым дадаваннем кантэнту. Мінімум 2 тыдні пасля стварэння акаунта дадавайце сяброў_вак, падвышайце давер да вашага профілю;
таргет з новага і падазраванага профіля з-за мяжы могуць блакаваць. Напрыклад, вы пераехалі з Беларусі ў Літву, змянілася геалакацыя і вы адразу пачалі ўключаць таргет. Праз гэта сацсеткі могуць заблакаваць профіль, варта перачакаць 2 тыдні пасля пераезду. Парада: стварайце некалькі профіляў, на выпадак блакавання;
вывучыць правіла Facebook па рэкламе;
адна група аб’яваў – адна мэтавая аўдыторыя, адзін макет – адзін фармат размяшчэння;
рабіць па 2-3 макеты (напрыклад, відэа і выява) на кожную мэтавую аўдыторыю і пасля тэсту пакідаць самыя паспяховыя. Хоць гэта і дорага, але калі ў вас ёсць час і магчымасць – спрабуйце;
стартаваць з мінімальнага бюджэту – 1,5 даляры ў дзень, калі пачынае спрацоўваць – падвышайце стаўкі;
аптымальная аўдыторыя – 400 000 – 800 000;
не рабіць бутэрброд з інтарэсаў, але дадавайце трошку больш (да 10 інтарэсаў), каб Facebook меў прастору для саманавучання;
сачыць за якасцю – Facebook сам заніжае паказы не якасных макетаў.

Які тэрмін дзеяння рэкламы абраць?

Чым ён большы, тым лепш. Facebook любіць вялікія тэрміны. Калі вы пунктуальны чалавек, пастаўце напрыклад 30-40$ на 30 дзён. Калі не можаце дазволіць сабе такую суму, то проста адключыце яе праз некалькі дзён. Ёсць гіпотэза, што чым большы бюджэт, тым лепш будзе працаваць рэклама. Але ўвогуле, праца з сацсеткамі праз таргет і SMM пабудаваная на гіпотэзах, бо дакладна ніхто не ведае алгарытмаў Instagram і Facebook.

Ключавыя паказчыкі ў аналітыцы:

Кошт за вынік, за клік (СРС) – добрыя кошты: каля 0,01-0,05 даляра і ніжэй.

СРМ (кошт за тысячу паказаў) – чым ніжэй – тым лепш, у перыяды святаў кошт можа быць большы: абавязкова да 1 даляра.

CTR (клікабельнасць) – павінна быць вышэй за 1%: калі ніжэй – ці не тая аўдыторыя, ці не цікавы для аўдыторыі макет, тады мяняем макет і зноў тэстуем мэтавую аўдыторыю.

Частата паказу – павінна быць не вышэй за 1. Калі яна вышэй, то аўдыторыя будзе надта маленькая і аб’ява будзе паўторна паказвацца адным і тым жа людзям, якія могуць паскардзіцца сістэме на нас.

За што могуць заблакаваць рэкламны кабінет?

Звычайна Facebook баніць за падазроную актыўнасць: напрыклад, праца з-за мяжы альбо праца з новага, пустога акаунта, які яшчэ не паспеў назапасіць дастаткова даверу. Трэба каб старонка, на якую вы таргетуеце, мела цёплую арганіку, натуральныя лайкі, рэпосты. Калі лічыце, што вас несправядліва забанілі – пішыце ў тэхпадтрымку – могуць разблакаваць – але ў выключных выпадках.