Набор у групы псіхалагічнай падтрымкі для моладзевых актывістаў_ак

Беларускі нацыянальны моладзевы савет “РАДА” запускае кароткатэрміновую праграму псіхалагічнай падтрымкі для прадстаўнікоў_ніц моладзевых арганізацый і ініцыятыў, актывістаў_ак моладзевага сектара.

Праграма падтрымкі складаецца з групавых сесій з псіхатэрапеўтамі_камі, каб у складанай рэчаіснасці падтрымаць ментальнае здароўе актывістаў_ак. 

Сесіі будуць праходзіць у 2 фарматах (анлайн, афлайн) у гарадах: 

• Варшава (афлайн)
• Вільнюс (афлайн)
• Мінск (афлайн ці анлайн уся Беларусь)
• зборная група анлайн
• іншы горад афлайн – пры наборы дастатковай колькасці людзей

Колькасць сесій у групах залежыць ад канкрэтнай тэмы, спецыяліста_кі ў вашым горадзе і будзе паведамлена асобна адабраным удзельнікам_цам.

Афлайн фармат можа ператварыцца ў анлайн пры не наборы неабходнай колькасці людзей.

Дэдлайн запаўнення формы – 20.11.2023 уключна.

Старт сесій – снежань 2023. Прыкладны працяг сесій – 2 месяца.