Як зарабляць на асабістым блогу?

Як манетызаваць брэнд – гэта, відаць, самае складанае пытанне. “Як пачаць зарабляць з блога, калі будзе прыбытак?”. Адказ на гэтае пытанне раскрываецца паступова, пачынаючы з пазіцыянавання вашага асабістага брэнда, яго інтэграцыі ў ваш блог і падчас яго раскруткі.

Працэс манетызацыі

Тут ёсць некалькі варыянтаў:

прамы прыбытак – калі вы проста пачынаеце каштаваць даражэй, як спецыяліст_ка ці эксперт_ка;
ускосны прыбытак – гэта калі прыходзяць рэкламадаўцы і прапануюць супрацоўніцтва на грашовых умовах;
эканомія – гэта калі вы хочаце зрабіць бартэр, каб атрымаць нейкую бясплатную паслугу;
пашырэнне лінейкі – калі ў вас ёсць пэўны сацыяльны капітал, то вы можаце прыдумаць нешта такое, на чым вы зможаце зарабляць, напрыклад, прадаваць кансультацыю, лекцыю і т.п.

Ёсць яшчэ такая рэч як платная падпіска, калі вы частку аўдыторыі ведзяце ў платны акаунт, дзе ў вас існуе закрыты тэлеграм-канал, напрыклад.

Наступнае пытанне: як сябе ацаніць?

Якім чынам можна вырашыць, колькі каштуе кансультацыя, пост, калабарацыя.

Ёсць два віды фактараў вызначэння кошту: знешнія і ўнутраныя.

Знешні фактар: кан’юктура рынка.

Трэба глядзець, колькі бяруць за такія паслугі вашыя канкурэнты_кі, трэба ацаніць матэрыяльнае становішча сваёй аўдыторыі, ці гатовая яна плаціць столькі грошай. Таксама варта глянуць на замежны досвед, колькі бяруць за аналагічныя паслугі ў іншых краінах.

Унутраныя фактары: ваша ўласная ацэнка вашай жа працы.

Колькі вы самі гатовыя былі б заплаціць за такую паслугу іншага чалавека, і колькі вы хочаце зарабляць. Часта людзі хвалююцца называць кошт сваёй паслугі/прадукту з-за страху быць асуджаным_ай за меркантыльнасць.

Страх адмовы – наступны па распаўсюджанасці страх пасля страху смерці і публічных выступаў. Але гэты страх можна прапрацаваць. Вы баіцеся назваць кошт, бо могуць адмовіцца ад вашых паслугаў, і таму вы пачуваецеся няёмка. За страх адмовы адказвае “сіндром самазванца_кі” – гэта калі вы абясцэньваеце вынікі сваёй працы, прыпісваеце поспех выпадковаму збегу абставін, сацыяльнаму наваколлю або нейкім іншым чыннікам.

8 спосабаў вызначыць кошт на свае паслугі

У гэтых спосабах важна тое, як вы напаўняеце кошт дадатковымі каштоўнасцямі, важна разумець, у які момант вы будзеце называць гэты кошт, як стварыць памер зніжкі. Але, перш за ўсё, важна пераканаць сябе, што прадаваць сябе не сорамна.

8 спосабаў назваць кошт рэкламы

Сачыце за інтанацыяй.
Аб’яўляйце цану лёгка і ўпэўнена.
Напоўніце кошт каштоўнасцю.
Рэзюмуйце і прагаварыце перад коштам выгады.
Не агучвайце кошт адразу.
Паспрабуйце адцягнуць момант аб’явы кошту на фінальны этап сустрэчы.
Стварыце каштоўнасць скідкі.
Няправільна: “Са скідкай гэты курс каштуе 80 рублёў”.
Правільна: “Гэты курс каштуе 100 рублёў. Ваша эканомія 20 рублёў. Атрымаецца 80 рублёў”.
Пачынайце з дарагой прапановы.
На фоне дарагой прапановы сярэдні кошт выглядае лепш.
Прапануйце некалькі варыянтаў.
Прапануйце альтэрнатывы, каб можна было абіраць паміж варыянтамі A, B, C.

Парады

Ці трэба пісаць, што гэта рэкламны пост?

Часта блогеры_кі шчыра пішуць, што пост зроблены на правах рэкламы, робяць пазнаку хэштэгам #ad. А іншая частка так не робіць і спрабуе ўплесці рэкламу быццам натуральным чынам, робяць так званую націўную рэкламу.

Абодва шляхі маюць права быць. Галоўнае, каб націўная рэклама была зроблена так, каб людзі нават не заўважылі, што гэта рэклама. Яшчэ калі блогер_ка сам_а пакарыстаўся_лася нечым і можа шчыра гэта адрэкамендаваць, то пазнака рэкламы будзе нават не да месца. А вось калі ён_яна ўзяў_ла абы што без праверкі і так і кажа: пост на правах рэкламы, маючы на ўвазе, што калі нешта пойдзе не так, ён_яна тут ні пры чым, то гэта можа пашкодзіць рэпутацыі.

Паглядзіце, як выглядае акаунт для рэкламадаўцаў у Аляксандры Зверавай – у ім прапісаныя ўмовы, што яна не бярэ на рэкламу, кошт розных варыянтаў рэкламнага супрацоўніцтва.

Што патрэбна рэкламадаўцу, калі ён жадае супрацоўнічаць?

Рэкламадаўцу перш за ўсё цікавіць статыстыка. Зараз у кожнай сацсетцы ёсць опцыя збору дадзеных па наведванні профіля, асобных старонак, праглядаў відэа, узросту і краін знаходжання аўдыторыі і г.д. Гэта інфармацыя патрэбна рэкламадаўцу, каб зразумець, ці супадае яго аўдыторыя з аўдыторыяй блогера_кі.

Далей рэкламадаўца павінен_а даць тэхнічнае заданне, дзе трэба распісаць тэкст рэкламы, які вы перапрацуеце пад сябе. Перад пастом рэкламы кліент_ка можа папрасіць праглядзець рэкламу, але неабавязкова. А потым яму_ёй, канешне, будзе цікава глянуць статыстыку праглядаў рэкламы.

Як працаваць з таргетаванай рэкламай – шукайце ў матэрыяле.