Ператрус у Генеральнай сакратаркі РАДА Ганны Дапшэвічутэ

Прадстаўнікі Пастаўскага РАУС прыехалі прыкладна а 13 гадзіне дня і зайшлі ў яе дом, які знаходзіцца ў Віцебскай вобласці. Звонку стаяла адна машына міліцыі, а таксама легкавая машына на транзітных нумарах. Ператрус ці агляд – пакуль невядома, як невядома і тое, што менавіта інкрымінуюць.

Каля 15 гадзін ператрус скончыўся, канфіскавалі тэхніку. Ганну не забралі.

Беларускі нацыянальны моладзевы савет “РАДА” – саюз моладзевых арганізацый Беларусі, створаны ў 1992 годзе. Ганна Дапшэвічутэ з’яўляецца Генеральнай сакратаркай, раней яна супрацоўнічала з таварыствам “Зялёная сетка” як івэнт-менеджарка.

Будзе абнаўляцца.