Грамадская дыскусія «Новая адукацыя для новай Беларусі»

У снежні 2020 года Офіс па адукацыі кабінета Святланы Ціханоўскай пачаў падрыхтоўку рэформы сістэмы адукацыі. Самай важнай часткай гэтага складанага і доўгага працэсу каманда бачыць грамадскія дыскусіі з удзелам усіх зацікаўленых бакоў — ад школьнікаў да адміністратараў.

Менавіта ў гэтым і заключаецца прынцыповае адрозненне падыходу Офіса: яны лічаць, што неабходна не папраўка існуючай сістэмы на падставе прадстаўленняў бюракратаў ад адукацыі, а яе карэнная перабудова з улікам патрэб усіх удзельнікаў і ўдзельніц адукацыйнага працэсу пры экспертнай падтрымцы нацыянальных і міжнародных спецыялістаў і спецыялістак. У выніку дыскусій павінны быць сфармуляваны місія і стратэгічныя прыярытэты рэформы, на падставе якіх будуць распрацаваны аператыўныя планы для розных сегментаў сістэмы.

У першай анлайн-дыскусіі ў фармаце брэйншторма 15 снежня прынялі ўдзел больш за 120 чалавек.

Пры рэгістрацыі ўдзельніцы і ўдзельнікі апісалі больш за 300 выклікаў, якія, на іх думку, стаяць перад нашай сістэмай адукацыі. Арганізатары і арганізатаркі рэзюмавалі гэтыя адказы, падрыхтавалі апытальнік і папрасілі ўдзельнікаў і ўдзельніц дыскусіі выбраць адзін-два прыярытэты па наступных напрамках: палітыка, акадэмічная свабода, адукацыйны працэс, адміністраванне, матэрыяльна-тэхнічная база і фінансы, адносіны паміж удзельнікамі адукацыйнага працэсу, даследчая дзейнасць, сувязь з рынкам працы, павышэнне кваліфікацыі.

Аўтары самых поўных і абгрунтаваных адказаў агучылі іх на сустрэчы; паралельна іншыя ўдзельнікі і ўдзельніцы пакідалі каментары ў чаце, а мадэратары рэзюмавалі розныя выказванні ў працэсе дыскусіі.

Гэта дазволіла зрабіць першы накід «карты праблем» беларускай адукацыі. Важнымі практычна для ўсіх удзельнікаў і ўдзельніц сталі бюракратызацыя, строгая цэнтралізацыя, немагчымасць праявіць ініцыятыву і творчасць, ціск кантралюючых органаў, фармалізм пры ацэньванні дасягненняў вучняў і працы выкладчыкаў, адсутнасць акадэмічнай свабоды, самакіравання навучэнцаў, прапаганда лаяльнасці да аўтарытарнага рэжыму на ўсіх узроўнях — аж да дзіцячага сада (ідэалагічная работа).

Шмат гаварылі таксама аб:

  • недахопе рэсурсаў і адсутнасці эфектыўнай сістэмы фінансавага стымулявання працы выкладчыкаў;
  • гендарнай няроўнасці;
  • праблемах адукацыі дзяцей і дарослых з асаблівасцямі псіхічнага і фізічнага развіцця;
  • некампетэнтнасці кіруючых чыноўнікаў;
  • неадпаведнасці дзяржзаказу на спецыялістаў патрэбам рынку працы;
  • абясцэньванні адукацыі і нізкіх патрабаваннях да ведаў студэнтаў;
  • неадпаведнасцi зместу навучання сучасным патрабаванням і, у прыватнасці, патрабаванням рынку працы;
  • неабходнасці распрацоўкі новых падыходаў да навучання, новых методык і прадметаў;
  • абавязковым прызыве.

Зараз Офіс працягвае аналіз першага грамадскага абмеркавання з тым, каб сфармаваць спіс праблем, па якіх будуць арганізаваны асобныя дыскусіі з запрашэннем экспертаў і экспертак, якія будуць адыгрываць не вядучую, а рэсурсную ролю. Затым будуць арганізаваны фокус-групы па сектарах і праблемах, агульных для ўсіх узроўняў адукацыі, — гэта дазволіць глыбей зразумець спецыфіку праблем і магчымыя падыходы да іх вырашэння. Дыскусійная пляцоўка таксама будзе выкарыстоўвацца для абмену вопытам з калегамі з іншых краін.

Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі»
Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі» Грамадская дыскусія «Новая адукацыя для новай Беларусі»