Сітуацыя са свабодай асацыяцый і арганізацыямі грамадзянскай супольнасці Рэспублікі Беларусь

У студзені 2021 году ціск на беларускія арганізацыі грамадзянскай супольнасці працягваецца, у тым ліку фіксуюцца шматлікія выпадкі затрыманняў і пазбаўлення волі беларускіх актывістаў, праваабаронцаў, адміністратараў раённых тэлеграм-каналаў і т. д.

Беларускія арганізацыі грамадзянскай супольнасці прынялі заяву з патрабаваннем спыніць ціск у сувязі з рэалізацыяй права на доступ да фінансавання, у прыватнасці ў сувязі з праверкай Дэпартамента фінансавых расследаванняў, распачатай у дачыненні да асветніцкай праваабарончай установы “Офіс па правах людзей з інваліднасцю”.Праверка “Офіса па правах людзей з інваліднасцю” — не адзіны выпадак праверкі органамі фінансавага кантролю дзейнасці арганізацый грамадзянскай супольнасці ў студзені 2021 года. Падрабязный разбор шукайце на сайце Цэнтра прававой трансфармацыі Lawtrend.